零食之選？護👀之選？

零食之選？護👀之選？
如果想小朋友簡簡單單帶下小小零食返學又可以健康dd😂😂，
可以唸下佢，Healthproof康寶庫@兒童護眼寶加鈣，
有獨立包裝啦 ，帶番學校好方便，
又係楠楠鐘意嘅藍莓味，嗒下嗒下佢好鬼開心，
有時D同學仔仲問佢拎嚟食唔夠派，
而且早排楠楠話比我知佢👀有小小睇嘢朦朦地，
唉....緊係啦...成個暑假睇電視同Ipad....又坐唔好..可能都有D關係，
我心唸大件事喇，所以我就緊係拿拿聲帶佢去check 下👀仔先啦，
好彩check 咗係唔太嚴重，可以唔使帶眼鏡住都得，所以試下D保健產品先，
希望佢真係唔使帶眼鏡啦，如果唔係就麻煩喇 !

#JessC9 #護眼 #零食 #健康 #healthproof康寶庫 #藍苺 #兒童護眼寶加鈣

楠楠每日都要食兩包，因為佢真係一個糖怪....haha

帶番學校細細包真係好方便

 睇過D成份都好，有以下呢幾點都唔錯:  

1)  藍莓精華及維他命A: 有助兒童改善眼睛問題，

減低電子產品對眼睛的傷害 (好啱楠楠呢..haha)

2) 特別添加鈣及維他命D: 有助兒童骨骼及牙齒發育健康

(呢個好喎..可以高D)

3)  成份中更含維他命C，可助兒童抗病入侵，

改善兒童身體免疫力   (而家D細路成日病，預防定都好)

買都方便，是但去一間萬寧就有喇 !

試新嘢@健康食品H365

依家坊間真係好多健康食品俾小朋友食，

我呢個媽媽👩🏻都係一樣，俾好多唔同種類嘅比楠楠試，

有啲係食嘅，又有啲係飲嘅，有啲又話補呢啲，

有啲又話補嗰啲，其實我覺得最主要係佢肯食先囉!

今次就比呀女試咗隻健康食品叫H365，有隻係蔬果營養配方，
呢隻啱楠楠食，點解呢🤔？
因為佢成日都唔肯食菜🌽🥒🥒🍆🍅囉！
另外有一隻係維他命C加鋅，依家真係好啱時候食，
因為太多人流感😷，最後試埋隻牛初乳，
呢隻就好普及D，好多品牌都會有!

先講隻蔬果營養配方，不得了，

因為佢嘅味道似十足我哋細個識嘅時候粉粉地嘅糖，

入口即溶嗰啲，好好食，所以楠楠食咗一粒之後，

就即刻話要食第二粒，好彩我睇返，

原來一日可以食五至六粒，咁都好d，所以好放心佢食，

而且食得好開心，都係果句啦起碼佢肯食先啦，

另外個隻維他命C個口感都同蔬果營養嗰隻一樣粉粉地都好好味，

最後只牛初乳呢，呢隻就普普通通啦，

出邊坊間太多喇！

整體來講呢隻品牌都唔錯，

但至於功效就要食一段時間先知，

等我食完話比大家知啦！

         其實佢仲有好多好多產品:http://www.h365.com.hk/index.php/hk/

一個人的浪漫@曼谷第三日

最後一日嘅一個人的浪漫喇, 作最後衝刺買下嘢

見到呢個粉底, 好多地方有介紹, 

所以買盒嚟試下, 我係7-11買嘅,

但我見big-c , boots 個D都有得買

仲有係boots買咗呢支香薰油

之後去食個正早餐, 緊係要去水門街食海南雞飯啦

食完行咗水門個個批發市場

買咗小小嘢咁啦

再去siam paragon 超市買藍象冬陰功醬

其實我覺得佢仲好行過big c呀

呢隻黑椒汁正, 好友無介紹錯

最後上機前食番個鬼嫁blogger介紹嘅冬陰瀬尿蝦蟹肉海鮮粉, 

真係好掂,唔係講笑

下面條link

http://oniyomeryori.blogspot.hk/2016/07/kang-ban-phe-noodle-seafood-cafe-phloen.html

 夠晒濃味

好好好好食

走喇, 有機會再嚟住下

Bye Bye, See you next time

一個人的浪漫@曼谷第二日

第二日, 起身就出發去我今次嚟嘅目的, 去四面神拜拜先, 

之後先開始我緊湊嘅行程,

- 四面神拜拜

- 翟度翟濕平

- 安多哥街市

- TT spa私房菜+按摩

- 火車市場

一早起身, 終於見清楚我瞓嘅房, 除咗有幾個鬼妹好夜返同有D嘈

環境同其他嘢我覺得係好好嘅....haha

落去食個早餐先

老板唔知行咗去邊呢

食完早餐出發, 尋晚夜晚睇得唔太清楚,

 所以我係Hostel開始影番出去條路點行

Hostel出面條巷仔

一出巷仔就見到7-11, 買嘢係方便嘅

行多5分鐘就見到好似係按摩嘅鋪頭

一轉出去就有條鐵路

要過埋呢舍橋底就到個BTS站

大約8-10分鐘

拜完四面神就去翟度翟行街街

好興奮呢

翟度翟周圍都係食同買, 先食個芒果飯先

見到好出名嘅BKK袋, 我都買番個先

咁啱又比我見到GAGA袋又買

佢係Section 16 Soi 1, 一入去第一間就見到

好好天呀, 可惜搵唔到我上次食個個冬陰功麵啦

又食椰子雪糕

跟住行咗一邊我未行過架, 係soi 1個邊, 

呢邊行得好舒服, 因為唔焗又有嘢遮住唔晒

見到佢就一定要買比囡囡啦

行完大約兩個鐘就去安多哥市場行下食下, 

係地鐵行過去好易搵, 先係呢個入口入去

有指示話去安多哥

穿過呢個商場仔

見到呢條再行

Exit 3一出就到

見到佢喇

一個好大好多本地人去嘅街市

真係好多嘢買, 無論係食材, 生果, 手信...等等

當然要去睇下我要食嘢個邊啦

呢間網上睇過話係必食架, 試下先

買咗10串再加大蝦

食完見到有好多好多手信呀

當然唔少得食我至愛榴槤啦

食完走喇, 呢度都有足夠位置食嘢, 

下次要同老公嚟食餐飽先得

食飽飽坐地鐵去做spa

係安多哥個站坐14個站去Lumphini站

一出地鐵轉右

見到條天橋就上去直行,右邊落

落去再直行

行一陣好快見到間銀行就轉左入呢度

見到呢棟就係喇, 下面有個停車場入口, 就入去啦

都搵咗一陣

原來呢度有7間都係TT spa

環境都幾舒服

係度等咗一陣先上去做,呢間私房菜spa係我同事介紹話好好架

但因為原來一個人book係唔可以私房菜, 但佢當時有個package係下午茶, 

做完就有碗冬陰功魚旦粉

佢嘅facebook fans page: https://www.facebook.com/ttparadisespa/

可以what's app佢or facebook message佢book都可以

但做完非常驚喜, 因為佢知我得一個人又好想試佢個私房菜, 

佢竟然整咗比我呀, 超開心呀, 捧住個肚走呀!

我一個人有咁多點食得晒呀!

做完3個鐘再加食我房菜, 真係要去行下先, 

又出發去一個地鐵到嘅火車市場

我係睇一個我鐘意嘅blogger, 佢嫁咗去泰國, 但又成日介紹D正嘢比我地, 

我就係睇下面條link架喇

http://oniyomeryori.blogspot.hk/2016/01/2-talad-rot-fa-train-night-market.html

佢講得好清楚架

一出地鐵就見到個shopping mall, 個火車市場就係商場後面

都好多嘢食同好多特別地方可以飲嘢

下次一班嘩鬼朋友, 可以嚟飲下嘢都幾有風味

我走去玩下呢個簡單紋身

行完一陣返Hostel休息喇