泰好玩泰國＠購物篇

雖然係泰國嘅時候成日都同老公講無咩嘢買到，

誰不知打開個喼原來係唔少囉！

所以我覺得自己真係有一種狂購物症，

好彩今次去泰國覺得ｄ嘢貴咗小小，所以唔係係咩都買，

先至好ｄ渣，不如比大家睇吓我買咗ｄ咩，

等你哋睇吓覺得我係唔係真係有病呀？

不過有ｄ係幫朋友買嘅！

 

 

  

大家見唔見下面到有個紫色好似訂書機嘅物體，你哋估吓係咩呢？

原來都買咗好多衫，全部係自己！

 

 

好平呀！嗰兩對波鞋大約８０蚊港幣一對！

 

 

個ｄ洗頭水，只係唔夠１０蚊港幣一支渣！

 

 

 

 

泰有型ｄFans話呢隻洗面膏好好好好用Wor，所以又買囉！

 

好好味嘅乳酪飲品，老公嘅！

 

 

當然要有我心愛嘅零食啦！（heh..heh，又有公仔麵呀！）

 

泰好玩泰國＠玩玩篇

講到每次去泰國都係買買買，所以唸住搵一日去河邊睇吓ｄ寺廟啦！

跟住又想去吓State Tower睇吓夜景啦！又有可能落ｄ吧飲吓嘢啦！

不過最終只係去咗河邊搭咗ｄ一次Local 船同去咗一間寺廟，其餘呢？

有ｄ去唔到，又有ｄ無去度，其實第二日都係有ｄ黑黑地架啦！

先講吓我哋朝早四個做完Spa同按摩之後，就出發去一間專係食魚翅撈飯嘅餐廳，

點知去度執咗，因為大家都好肚餓嘅關係，

所以我地二話不說就跳上架的士去河邊食姐鵝，

因為食完就可以去河邊搭船，唔使行得太遠，的士去到姐鵝嘅時候，

都已經成兩三點 la，跟住又唔知係唔係因為成兩三點嘅關係，

個度係水靜河飛，攪到我哋無咩心情食，又係度唸，究竟呢間嘢有無人食架？

點解無人嘅，但係點都好都要入去食架，跟住我哋就開始點菜，

ｄ菜好似無咩特別咁wor，而價錢又唔係特別平wor，

咁點呢？唯有點ｄBasic D嘅餸啦！點知真係鋪不可貌相，

ｄ嘢食好好味，好好味！原來係值得架！下次一定要再試先得，

好啦！我哋又開始我哋嘅旅程 la，唸住佢間餐廳係河邊應該唔會去碼頭太遠掛，

點知比個度ｄ當地人點到我傻傻哋，一陣又話去東，一陣又話去西，

再一陣又話去南，攪到我行咗本身要行三個字嘅時間，

點知就咗九個字囉！好啦！去到碼頭，再跟住去到寺廟呢？

我老公唔知係唔係第一日因為食咗六餐嘅關係，

佢開始有ｄ胃痛，而我另外一個朋友呢？佢又有小小傷風，

所以食咗藥而又有ｄ眼瞓，所以只有去咗一個寺就走啦！

因為我唔想佢哋太辛苦，夜晚呢？我哋去食建興酒樓，

因為唔想再搵啦！因為覺得今日行夠啦！所以我哋又去揮揮手，

唔搭BTS，點知遇著個衰人司機，佢車咗哋去第二度呀！

佢唸住我哋唔識呀！係咁叫我哋落車，但我哋睇來睇去都唔係好對路囉！

所以我哋無落車，叫佢帶番我哋要去個度，佢緊係無咁順攤啦！

佢只係係一個大型商場掉底我哋就算啦！不過我哋今次有落車，

費事佢又再車我哋唔知去邊度，其實我成日聽人講話ｄ泰國司機會咁做，

我自己去咁多次都未親身經歷過，好啦！跟住我哋行行行，

原來又係會行好遠，都無計，鬼叫你想食咩！行到咁上吓，又問吓人囉！

今次好彩ｄ，個對男女好好人，直頭帶埋我哋去到建興門口，

都總算個貴人啦！呢餐呢？係我覺得係泰國最好味嘅一餐，

佢ｄ咖哩蟹同黑胡椒粒蝦，真係超正，我仲唸住叫我個工人試吓整個蝦tim，

食完呢餐就搭車去State Tower，其實我係兩年前我生日，

老公係個度請我食咗餐飯架！嗰度ｄ環境真係好浪漫，

對住成個曼谷成飯，不過如果你唔想食飯，只係想飲嘢！都可以有另外一個地方飲，

同埋去呢個地方係要有dress code，男仔只可以著有袖衫、長褲同埋密頭鞋，

而女呢？就簡單ｄ，背心短衫短裙涼鞋都可以，只要唔係拖鞋，

好啦！我哋緊係做晒準備功夫，有晒dress code，但係點知都係入唔到去，

點解？原來仲有其他限制o家，運動褲係唔可以當長褲，唔入得，

瀨有型嘅有窿牛仔褲亦都唔得，我其中有個朋友呢？就著咗運動褲，

而我老公呢就緊係著咗條瀨有型而又有個窿嘅牛仔褲啦，所以無得入囉！

跟住嬲嬲地返酒店飲紅酒！

 

 

吓，點解有亞包個頭出現嘅？

去咁多次泰國，第一次搭地鐵，

因為飲咗小小酒，有小小醉意

 

 

泰好玩泰國＠舒服篇

講到去泰國緊係離唔開按摩同做Spa啦！今次我去呢！

就做咗一次Spa同三次腳底按摩，而我老公呢！

就做咗一次泰式按摩同四次腳底按摩，

我老公呀！好鬼煩架，成日都話要做腳底，

你知啦！泰國通街都係按摩o架麻！佢一見到就話要做wor，

其實我都鐘意按摩嘅，所以去做都無所謂，

但係佢就一日起碼講四五次話要囉！佢簡直就中咗腳底按摩毒，

可能個ｄ泰國女仔呢！

係我老公某個腳底穴位度按咗個”我要做腳底按摩！”嘅穴道囉，

所以佢成日都要話做囉！

 

第二日嘅Hapaspa SPA，好得意o家，佢嘅外內面比較新潮ｄ，

係外面好似有一個鐵箱Join住ｄ人咁，

佢同我以前去個ｄ個感覺唔同，我以前個ｄ比較古典ｄ味重ｄ，

不過都有另一番新感覺嘅，

我做咗個Full Slimming & Detoxify Program (3.20 hrs)，好抵只係$500港幣，

仲要好似真係做完瘦咗小小，哈哈！

http://www.hapaspa.com/

房裏面嘅環境

浸咗成半個鐘，真係皮都甩埋，

做完即刻容光煥發

第三日嘅腳底按摩，呢間就係好多香港人去嘅

Body Tung Massage

第四日最後都死唔鉵抵去做多次腳底，

呢間係BIG C留下個間 Massage，

個度ｄ帥傅手勢都真係幾唔錯架！

第一日嘅腳底按摩

泰好玩泰國＠狂食篇Part 2 ( 姐鵝餐廳 & 建興餐廳 )

去到第二日，就已經無咁誇張，只係三餐，

不過都好有驚喜，因為今次食個ｄ我好多都係未食過，

個酒店早餐好正，呢間係我去咁多間酒店最好味最咁食嘅！

 

 

跟住午餐去咗姐鵝餐廳食，．呢間餐廳係泰國好出名，

仲要我哋係去總店，仲要見到姐鵝真人呀！

又係生蝦，去度邊都要有生蝦，好味！

咖哩炒蟹肉，如果撈飯可以食好多碗，

生蟹沙拉

蝦湯麵

超好味嘅粉飯，炒得好乾身，

 

夜晚去咗建興餐廳食，呢餐係咁多餐，

係我哋覺得最好味嘅，

呢個黑胡椒炒蝦，我會叫工人試試整！因為真係好香，

片皮鴨

跟住返到酒店再食宵夜，就係喺呢求買，

就係榴槤燸米飯啦！

 

泰好玩泰國＠狂食篇Part 1

去到泰國緊係要係咁食食食啦！因為我同老公都鐘意食，

咁啱嗰兩個朋友又係，所以只係頭一日去到個日，

計埋早上係香港機場食同飛機餐總共都食咗６餐，

都真係唔好明次次唔係香港都可以食咁多嘢！

 

飛機餐～都幾好味！

 

 見唔見到我老公嘅造型幾咁有型（其實係非常娘），因為係有原因嘅，

因為去度泰國嘅第一餐係去Grand Hyatt食Lunch Buffet，原來係有dress code，

點知我哋又無為意，佢又著咗背心去，跟住個經理好好，

佢話介唔介意比件衫我哋褸住，我哋緊係話無問題啦！

因為我哋實在太餓啦！

（似唔似ｄ變態佬）

 

點知原來Lunch Buffet係去到2:30 PM，而我哋去到個時已經2:15 PM,

咁我哋問佢有無Tea Buffet，佢話有，咁我咪坐底囉！

唉．．．．點知原來都係溝通唔到，都係唔係個樣嘢！

原來係一個High Tea，無法啦！都係要食架！都坐底咗！

只係食咗早餐，點知午餐要食甜嘢，其實真係有ｄ食唔到，

仲要個High Tea係真係好High Price囉，成一百蚊港紙一個人呀！

 

跟住二話不說，我隔咗個半鐘到，就已經又去食嘢，

今次食我喜愛嘅海南雞飯，好美味呀！

 

之前我都有講到話我住個條街有好多食同玩，

所以我哋選擇咗一間環境好靚嘅地方食泰菜，

 上去 lu...........

 

 

 大家估吓係嚟呢？

 就係一個白飯

跟住做完腳底按摩，再去唐人行再食過，

嘩！ｄ蝦真係好香，ｄ生蝦又好大隻呀！

 

 

 

 跟住食我老公最唔鐘意食嘅榴槤囉！