藍色沖繩自駕遊＠第五天

第五日啦！真開心可以留多兩日，ｄ時候可以唔使太過緊迫 lu，

同樣地今日食完個民宿早餐就出發啦，第一個行程就去咗波蘿園

 

買咗三件琉球獅子T-Shirt比佢個三隻曵豬一齊著

其實佢哋兩個係同一日生日架

 

個菠蘿園ｄ菠蘿好多都係細細個咁

仲有好多菠蘿製成品tim，好似呢個香水咁，我仲買咗菠蘿白酒呀！

菠蘿園緊係有菠蘿飽啦！不過真係好飽食唔到

呢ｄ係真嘅細菠蘿，可以買嚟種架！

跟住我哋就去咗一個叫比地大滝嘅瀑布

原來去呢個地方都有時間限制wor，

原來係４點後就唔可以入，但我哋係４點去到，

因為我實在太急要去洗手間，但出番嚟過咗啱啱過咗５分鐘，

oh... my ....god...點算呀！跟住我哋唯有同個度ｄ負責人講，

我哋係楂咗成個鐘車入嚟架！講講吓好彩佢比我哋入埋去呀！

入去個瀑布嘅頭段，好得意wor！

佢哋ｄ當地人，係個度紮營，仲要有成十幾家人tim wor！

佢哋開始煮飯，嘩........真係好香呀！

入去個瀑布要行1.5公里，大約45分鐘

去到呢條橋只係行到一半呀！

不過都要讚一讚呢個曾生，話說佢個細仔瞓咗，

佢抱住個仔足足行咗一大段路，太約60分鐘到，

佢個仔先起身，你哋話父愛係幾咁偉大呢！

到啦！到啦！ｄ水真係好涼快！正！

行咗成個瀑布來回太約２個鐘，跟住出番去食Dinner lu,

嘩.........開始又日落啦！機本上我哋日日都見到日落，好正！

你睇呢兩條友幾浪漫

開始落啦！

Oh.....落咗 lu

晚餐都係見到邊度好食就邊度，

曾太話想食燒物，所以比佢沿途見到，就入去啦！

今餐主要係食和牛......真係好Yummy

 

藍色沖繩自駕遊＠第四天

 

到咗第四日啦！真係非常唔捨得，聽日就要走啦！

因為真在太舒服個環境，所以有點兒失落，就係喺個日嘅上晝，

曾太同我講不如我哋stay多日囉，我聽完之後緊係心郁郁啦！

然後我就同曾太講，一係就唔stay，如果要stay就要兩日啦！

於是我哋決定係兩日，所以我哋開始要做嘢啦！

首先就要打去改機票睇吓有無機位，然後又要睇吓補幾多錢，

好好彩每張機票只係補$200，好啦！跟住再睇吓酒店有無房，

開頭都唸住試吓睇吓其他酒店嘅，不過同樣係個嗰問題好貴兼且無房，

所以我哋問番自己住緊個間，好Lucky，係有房嘅，

再然後就打去我個sales director請假，又OK wor！

比我樣樣過晒關，所以我哋係可以去多小小地方，最開心緊係ｄ小朋友啦！

喺民宿食嘅早餐，係非常地道嘅，同中國人一樣食飯嘅，呢個係大人

 

而呢個係小朋友嘅，我仔仔一早就食咗成碗飯

萬座毛～真係好似象鼻

係萬座毛望落去ｄ水真係好清好清

跟住下一個行程去海中展望塔

因為佢係個沙灘再遠ｄ，所以我哋搭穿梭巴士

因為未夠鐘開車，所以係車下影咗張sweets sweets相

３分鐘後就到了

影番張大合照先

其實係落去個塔下面睇魚嘅

都OK嘅，有ｄ魚睇吓！

睇完再望吓周圍嘅環境，幾有Feel呢張相

跟住我哋繼續我哋嘅旅程啦！

自駕遊真係好好，你去到邊度覺得靚就係邊度停，好寫意！

兩個猛男

去到沖繩緊係要去睇吓佢嘅水族館啦！

美之海水族館，好似話係世界最大嘅！

ｄ海參好得意，軟綿綿咁！

其實你哋知唔知佢哋做咩呀！

原來佢哋扮緊後面ｄ魚

係個嗰水族館一定要同條鯨鯊影相，

同埋個魚缸真係非常大，好靚！

最後我哋夜晚返返去美國村食鐵板炒麵

可以自己炒亦可以比佢整

呢個日式Piazz係佢整嘅

最後細佬係好眼瞓，無食嘢瞓咗 lu

 

藍色沖繩自駕遊＠第三天

第三日早上就check out開始入去beach個邊酒店check in la！

因為暑期關係，如果要對正係沙灘上面個ｄ酒店要成三千幾四千蚊一晚，

所以以經over我哋預算，所以我哋選擇咗住好似酒店咁嘅民宿，

Pension Bilu 美留

www.san-a.co.jp/hotel/

佢只係千二蚊一晚，真抵住，因為佢係大過我屋企架，

 

可以住５名樣

可以望到海嘅露台

望出去就係咁架啦！不過Family Tsang佢哋個間個view仲正呀！

洗手間

房間，仲要有個超大嘅衣櫃

好大嘅客廳

仲有個偏廳

跟住我哋三個無瞓到房，係個偏廳整榻榻米瞓

攞完民宿就拿拿聲去游水lu，個天係仍然好藍

 

真係好似天空之城咁

 

我哋去咗呢個叫殘波嘅海灘

我個仔扮Un 曾好傳神

個度有架巴士係買嘢食，日本真係好興咁樣買嘢

差不多個個海灘都有water sport玩

其實我好想玩呢個水上單車，不過老公話驚腳軟，所以無玩到

隔離個灘仲有個好靚嘅教堂

游完水返去沖個涼就夜晚去咗美國村食Dinner

個度都幾多嘢可以行，不過我哋都係食咗嘢先

去咗一間食沖繩料理

好似東坡肉咁，雖然好肥，但係好好味

 

呢條魚就非常唔好味，好硬呀！

都係照舊一台都係

 

呢個沙津就真係好好味啦！

食完飯就同ｄ小朋友去坐摩天輪啦！

因為時間關係都係唔夠時間，係睇唔到嘢嘅，

好！睇吓聽日趕唔趕到睇先！

第三日完～