樂言哥哥有個妹妹lu !

之前同大家講過話去睇醫生會照吓BB係囡囡定仔仔，

其實上次醫生已經有同我講架喇！不過佢又笑笑口咁只係7成係囡囡，

唔知下星期會唔會生番出嚟架wor，

當時我同老公都覺得醫生都係講得保守ｄ係正常嘅，

所以嗰次睇完就無同大家講係囡囡定仔仔，

但因為而家已經成22週喇，早幾日再去覆診，

醫生今次都幾肯定同我哋講話囡囡嚟，

因為佢連女性器官都指埋比我哋睇，所以都應該無錯架喇，

雖然都好多人同我講話照到係囡囡都唔一定係囡囡，

但我當佢係架喇，我真係好開心呀，

一仔一女一個好字，樂言哥哥就快有個妹妹 lu！

老板屋企BBQ@大埔林村許願樹

上星期六去咗老板Winson屋企BBQ，佢係住大埔林村，

個日去到好似去咗香港一天遊咁，去參觀林村嘅特色，

然後去食晚飯，其實以前我都有去過林村嘅，主要係去許願樹許願，

不過原來比人掉ｄ橙上去 掉得多，

所以而家橎樹就嚟跌落嚟再唔比人掉ｄ橙上去 lu，

跟住又整咗橎許願膠樹代替，真係咁都得！

開始出發 lu

 

真嘅訐願樹

而家ｄ人掉唔到ｄ寶牒上去，所以就擺係呢度祈福

我希望我一家人健健康康先

新嘅林村許願樹嚟喇

就係佢喇，好細好細嘅膠樹

用棉做嘅橙

點解我會影呢個公廁，因為佢呢個公廁係攞咗個獎架

你哋睇幾厲害（最佳公廁）銅獎，

唔知金獎同銀獎係邊間公廁攞呢？

裏面個裝修都幾唔錯架，咿.......有個同事.......！

公廁出面有間好似話幾出名嘅西餐廳，老板話都幾好食，

等下一次同老公去食吓先得

附近又有ｄ幾得意嘅樹wor

咿.......又係個嗰同事wor

洋紫荊花，好靚呀

參觀完外面，就返老板屋企玩玩

佢哋一大班玩 Pictionary

而我老公同亞仔就係佢間遊戲房打機

其實仲可以係呢間房睇戲tim

老板屋企仲有一隻猫tim，我本人都幾驚猫猫狗狗，

不過佢呢隻猫真係好乖好乖架，所以我唔驚

差不多７點幾就開餐 lu，由老板娘親手下廚，

話就話BBQ，但都唔使我地整，幾正！

 

最正緊係呢ｄ澳洲A5牛

影番張大合照先