大個咗

亞女出世後，都好少寫哥哥嘅嘢，

所以今次要講吓哥哥先，亞妹喺我個肚嘅時候，

我都仲係覺得哥哥係一個小朋友，但亞妹出咗世之後，

突然覺得哥哥大個咗好多好多，佢會幫我做好多嘢，

幫亞妹攞尿片，同亞妹玩，氹亞妹瞓，

亞妹瞓咗之後又會隔幾分鐘入去睇吓個妹．．．等等．．．．．！

真係好開心佢會咁做，可能佢大亞妹成8年幾，

所以真係會好ｄ，佢仲成日同我講楠楠豬真係好得意呀，

真係好欣慰佢咁鍚個妹！