就係有一晚落街跑步見到呢個東龍島船期表, 所以就好想去
因為復活長假驚無營位, 所以我地坐最早個班船去
真係快, 坐半個鐘就到, 係我去咁多個對我嚟講最方便
好靚, 全部都係海, 好好空氣
係碼頭去假日士多, 只係10分鐘好近好方便
假日士多後面有個營地, 嘩....超多人呀
跟住比我地係官方營地個邊,有班好心人見到我一家四口搵位,
所以叫我地去去個邊, 因為佢地今日走
起完營, 煮個午餐先
減緊肥嘅我, 去露營都要食多D菜
整個新嘢先, 焗豬扒飯
呢個天幕...正
完成晒所有嘢出發去行下
營後行上山就已經見到成個島嘅景
東龍島好多人玩飛索同爬石
去崖邊影張自拍照先
都好多人爬緊石
行咗一個鐘又返去食下午茶, 楠楠至愛印尼撈麵
我地嘅......, 食完今次, 下次都要帶呢個超方便同好味
台灣手抓餅
搞掂, 每人一個
我呢...就嘆酒
等多一陣....大家睇下書....瞓下覺...搞搞下就6點, 又要煮晚餐
叫媽子買家同整家, 雪凍佢..好好食
雞湯青口
蒜蓉炒生菜
豉油煎大蝦
蕃茄意粉
夜晚又學人整D燈, 等個營靚D先
第二朝, 唸住起身睇日出, 但我最後起唔到身,
唯有瞓到自然醒, 好爽, 跟住去碼頭最近個間叫新創意士多去洗手間,
因為佢係最乾淨, 仲有冷熱水沖涼, 如果沖凍水唔使錢, 熱水就$10
跟住個老細同我地講, 如果搵佢打比佢,
佢可以幫我地係佢士多下面個沙灘hold位tim呀
呢張係佢咭片, 大家可以試下
去完洗面....就要返去煮早餐...今日早餐食和牛漢堡
我嘅早餐當然係沙津啦
牛奶炒蛋
呢個腸正呀..唔記得影個盒, 叫千島醬腸仔,
係Aeon買, 真係好好食
食完個早餐又去散下步先, 行去另外一邊
雞乸石
風景真係一流
仲浸下腳涼快下啦
收營喇, 我地坐4點船走,
好...下一次挑戰7月1日再嚟
下次要係沙灘露一露, 因為可以順便游下水
坐半個鐘就返到屋企, 見到喇屋企喇, 7.1 下次見
