好耐好耐都未踏足過球場啦，因為亞仔嘅sport day嘅關係，
所以令我再一次踏足球場，計吓計吓，都有十幾年啦！
原因係佢學校小一係會有個親子比賽嘅，所以我哋就要去參加，
亞仔sport day之前嗰日仲同我講佢好緊張興奮，
唔好話佢啦！我以前每次學校旅行同sport day我又咪係一樣，
緊張到成晚都可能瞓唔著，所以其實都係好正常啫，
唸番起以前讀書嗰時，真係好多回憶，
先講sport day，我中一嗰年參加跳啦啦隊，都唔知點解我嗰時會參加，
仲要我哋嗰隊嗰年攞埋冠軍tim，當時我哋係用哥哥嗰首側面跳架，
『猶如巡行和匯演．．．．．你眼光只接觸我側面．．．．』
唸起都覺得好好笑囉，而家唔知係咪都用時代嘅歌去跳呢，
講番亞仔sport day先，我同佢參加晒兩項運動，係二人三足同2 x 20米障礙賽，
但係都由佢同Daddy參加，因為我費事出醜啦，
參加呢兩項運動我哋係無做準備嘅，所以呢．．係輸咗嘅。
原來玩二人三足係有橋妙架！我哋用錯方法玩，所以第尾囉！
你哋見唔見到係張相裏面另另舍舍有個同學高出其他同學成兩個頭呀？
佢哋好似應該係三四年班渣，個嗰男仔真係好誇張囉！
跟住老師都有比賽架！佢都仲會有造型架，
呢個坐係度個嗰係樂言個班主任，
呢個老師好好笑，揹住個相機跑囉
