係咪覺得好奇怪點解係三日三夜呢？其實我哋跟嗰個團係三日兩夜嘅，
不過佢係一早係羅湖火車站集合嘅關係，
所以我同幾個朋友商量過後不如早一晚上去，
又順便按個摩，第二日就唔使一早過關同人迫，而且又唔使驚遲到，
幾好呀！（其實呢個只係借口，主要係身痕囉！）
所以就變咗三日三夜 la，好啦！講吓我哋個行程先，
第一晚本身想試吓深圳加太賀，點知去度個度執咗，唉．．．激死我哋，
咁就唯有係附近搵間好樣ｄ就入去食啦！誰不知舗不可以貌相，
唸住呢間個樣都OK wor！就入咗間叫四姊妹唔知咩餃子店，
ｄ嘢食真係唔係好掂，ｄ餸同間舗一樣唔可以睇外表囉！唔好味，好唔開心呀！
想食ｄ好嘢麻！不過唔緊要我同自己講一陣去KFC買個新嘢(芝士蝦球）試試先，
唉．．．．點知又唔好味，ok．．．唔緊要，我再同自己講，
好嘢今晚可以減住一晚肥先啦！個晚因為食完嘢都成10點幾成11點，
去度按摩個度刷個背，按個腳，又按埋個身都成三點，跟住六點又要起身，
所以第一晚係瞓得三個鐘，係唔夠瞓嘅，
跟住開始我哋20人嘅唔夠瞓（三晚加埋瞓得10個鐘），
狂飲酒，狂sale你買嘢嘅珠海澳門之旅，第一日去咗五個景點，
但有四個景點係叫你買嘢嘅，而另外一個景點係去玩賽車嘅，
真係苦個Dee Dee囉，一日裏面係咁狂sales，好辛苦囉！
我都知我哋呢個團咁平都一定會係咁叫你買嘢，但行程嘅安排可以改一改架麻，
唔使一日做晒呀！以前我同奶奶去呢ｄ團都會買吓嘢跟住又去吓ｄ公園玩吓，
咁樣起碼都叫做有ｄ嘢隔一隔呀麻，我哋今次一連去四個我簡直係頭痛呀！
好彩夜晚返去酒店浸溫泉叫做可以Relax一吓囉！
其實當晚我哋真係好想第二日離團架，不過一想起我哋有成20人真係好難一齊走，
所以我哋決定第二日睇定ｄ，如果有咩E郁，先再算囉！
第一個景點買藥酒（鹿野仙跡）
已經有人瞓咗．．．勁！
無生果嘅生果園
買桑果汁同桑果酒
好彩個度都有小小雜技睇吓，好厲害呀ｄ小朋友
買靈芝嘅藥廠
買牛奶片
返酒店前，終於可以玩吓啦！
沒有留言:
張貼留言