復活節 - 東部華僑城之旅 - 第一天

都好耐無一家人出去玩lu，因為轉咗工嘅關係，所以未有假去個長線旅行，

只能係紅日去住個短線先，今次係去深圳東部華僑城，

其實之前大肚嗰時都已經想去，不過知道個度好大要行好耐，

所以唔敢去住，而今個紅假終於可以去玩吓喇！

東部華僑城裏面有三間酒店，房車酒店，瀑布酒店同埋茵特拉根酒店，

其實我係想Book瀑布酒店嘅，不過因為遲咗Book嘅關係，

所以只有一個選擇，就係最貴嘅茵特拉根酒店，雖然係最貴，

不過又真係幾靚，而且佢仲upgrade我地去呢個茵特拉根城堡酒店套房tim，

個度真係好大好大，兩日都真係行唔晒，仲都有ｄ地方係去唔到，

尤其係個室內恆溫水上樂園同個觀音像，過多一兩年啦，

我應該都會安歌帶埋亞妹一齊去玩多次！

因為東部華僑城裏分開兩大區，係大俠谷同茶溪谷，

我地第一日先去大俠谷玩ｄ動態嘅先，而第二日先去茶溪谷比較靜態！

 

我地住嘅茵特拉根酒店嘅主樓

跟住就係upgrade比我地另外一間城堡酒店

開始行程．．要等車接番我地去主樓先

跟住要搭火車去大俠谷嘅U型橋

搭火車可以睇到成個茵特拉根嘅Area，好靚

去到大俠谷嘅U型橋，不過個日落雨，所以唔係好影到相

跟住再搭吊車落大俠谷個邊

嘩．．．真係好高架

落到去突然落好大好大雨

唯有係KFC等細雨ｄ

所以緊係又食嘢啦

可以出去玩lu，本身我叫亞仔玩呢個，不過大家睇下，

原來坐咗會比人係咁射架

之後都無咩點玩ｄ機動遊戲，因為有ｄ太激，亞仔佢地又未夠高，

有ｄ又等得耐，而且個日又太早起身，個個都有ｄ眼瞓咁，

所以唯有周圍行下影下相啦！

跟住又再去睇4D

最後夜晚我地去咗鹽田港個度食海鮮....好好味！

返到酒店後，我地再去埋酒店個溫泉......不過無帶相機，所以無影相，

個溫泉有室外同室內都幾啱同小朋友去！