牛油蛋糕

以前細個係美心西餅做個幾個月, 覺得點解咁多人鐘意食牛油蛋糕, 一直都無試過, 都大個先試, 原本都幾好食, 仲一食就唔停得口

材料:

• 低筋粉 200克
• 泡打粉 1茶匙
• 鹽 ½茶匙
• 無鹽牛油 200克
• 幼砂糖 170克
• 雞蛋 3隻
• 雲呢拿香油 ½茶匙
• 牛奶 50 ml 

做法:

1. 預熱焗爐至 180C 
2. 牛油置室溫中待軟，約20分鐘。牛奶置室溫回溫。
3. 低筋粉，泡打粉和鹽拌勻，過篩備用。蛋糕模鋪上烘培紙。雞蛋打散成汁，過篩去泡，待用。
4. 置軟化牛油於大盤中，用電動搞拌器用低速打散。加糖，用中速打勻。轉中高速，打發至顏色轉淺黃及蓬鬆。
5. 分三至四次加入蛋汁，每次完全打勻。加雲呢拿香油拌勻。
6. 分三次篩入麵粉混合物。用膠刮輕手拌勻。記得把盤邊的麵糊刮下來拌勻。
7. 逐少拌入牛奶，成一幼滑麵糊。把麵糊倒進鋪上烘培紙的蛋糕盤中。稍掃平表面。立即放入已預熱的焗爐中，焗約20分鐘左右。見邊緣開始凝固。取出，用小刀在中央輕割一直線。放回焗爐中，把溫度降至 170C . 繼續焗多20至25分鐘。用竹籤或針插入中央，沒麵糊黏著，即熟透。拿出焗盤放在鐵架上5分鐘，脫模，待完全放涼，即成。