浮羅交怡 - 第5日

終於去到玩嘅尾聲，因為我地要坐夜晚１０點機嘅關係，

所以我地都仲可以去多一兩個地方，所以我地去咗呢個生果園，

你知啦！有小朋友緊要去多D呢D順便可以教育嘅地方，

等佢地知道多D嘢呀麻，以前我都有去其他地方嘅生果園，

但係只係係咁易睇吓行吓，無咩可以睇到，

而呢個呢，就係我去過咁多個之中最好最舒服嘅，

佢個果園好大好大，如果你行會好辛苦，

但係好就好在佢有架車蛓你去睇生果同摘生果，

雖然都係好熱，但係坐架車度都有陣風吹埋黎，正．．．．!

 

 

浮羅交怡 - 第4日

 

第4日嘅打後就真正係我地自己搵地方去睇嘢同玩，

因為其實同我地一齊去嘅曾氏一家佢地之前係黎過浮羅交怡嘅，

所以佢地話呢度其實只要租架車就已經可以成個浮羅交怡去晒，

即係去環島遊，所以我地之前個晚租定係聽日即刻可以用到，

呢架我地租個架係馬來西亞嘅國廠車，至於係咩車，

我都有聽佢地講過個名嘅，但我只係識得讀但我唔識得串囉，

係呀！我記得係Pr.........，sorry.... sorry...真係唔記得，

好啦！介紹第4日嘅行程啦!

 

 

租咗架車，緊係四周圍去啦！

第一站就係去咗坐呢個叫Langkawi cable car先，

因為坐纜車係大人細路都鐘意麻

 

 我地開始上呀上．．上呀上．．．嘩！原來都幾高架！我都有小小腳陣

 

 

遠望個纜車站就係咁遠啦！真係幾正，好舒服

 

 

再近一D啦！

 

 

跟住係纜車頂頂再行番落小小就有條吊橋嘅，呢個只係遠望嘅景

 

去到纜車站上面影番落去條橋

跟住我地開始行．．．．

 

 

到啦！去到啦！

 

 

雖然你地睇落去條橋好似唔會點郁，但係其實係咁高，

山與山之間佢都會有小小郁架，只要你行嘅時侯唔好係咁望落去個山腳度，

就唔係會好驚嘅，但如果你係咁望落去個山腳嘅話，咁你就會急急地囉！

當然呢個係我個人應為啦！

  

 

呢個係山頂嘅觀景台

 

 

仲要如果你行完頭先啱啱介紹完個條橋（因為行落再行留上黎都幾係嘢架)

　跟住就係呢個景色怡人嘅地方做個腳底按摩，簡直就係一流

 

跟住我地落番去嘅時間就影底咗對面嘅一個瀑布，

我地就向呢個叫７星井嘅瀑布進發lu

 

睇落去你地係唔係覺得個瀑布好似好細咁係咪

 

 但係你地睇吓呢張，其實係好大架

 

 

好清，好涼

 

 

我地個個除晒鞋一齊落去禧水tim

  

 

個度D 當地人仲會係個度游水架，真厲害

 

頭先睇個度只係瀑布底，跟住我地又再挑戰行多幾百級樓梯去到瀑布頂，

真係唔好話，我地都算係咁，行上黎真係幾辛苦家，

不過黎到無理由唔睇吓架麻

 

 

去完呢兩度同再游多一陣車河就已經差唔多食晚飯啦！

今日食呢間叫龍蝦村嘅中菜飯店，專係食大大隻海鮮，至於味道都OK嘅

 

 

 

之前我都有提過係呢個島係唔會有嘢買，

但對於我呢D唔買嘢就唔安樂嘅人黎講緊係唔得啦！

所以我就同我個friend講，我唔理呀，你點到要搵個地方比我發洩吓先得，

就算係行超級市場都可以，所以最終我行咗兩個supermarket先至舒服D渣，

就係買咗小小嘢食比D朋友

 

 

浮羅交怡-第 1 & 2 日

因為我地第一日其實係下午6點鐘先至係香港起飛嘅關係，

所以去到浮羅交怡已經成１０點，

亦因為第二日一早我地join咗個local tour 去紅樹林一日遊，

所以去到酒店都要瞓la，好啦! 如果唔係La La叫我比d酒店相佢睇，

我都唔係好記得原來我無咩影到酒店相，今次我無選擇住resort

，原因係如果住resort會離開市中心好遠，

所以我揀了係正正市中心但唔係resort嘅酒店，因為有小朋友一齊去近市中心比較方便

 

呢張就係酒店正門，雖然唔係話好靚，但不過不失啦!

 

呢個係佢又細玩到大嘅好朋友Louise，但５日黎佢地成日係道鬧交囉，

不過轉頭又好friend囉

 

呢個係上船嘅碼頭

我地就係坐呢架大飛開始我地嘅旅程啦!

 

第一站就去睇呢個紅樹林，呢度就係成日會有鱷魚出沒嘅地方，

但當然我地係見唔到啦! 唔知係唔係早得滯瞓緊呢

跟住就去餵麻鷹，嘩！真壯觀，俾佢喙一吓，

真係ban度都唔駛氣！（禾撈公話嘅）

 

 

跟住就去咗呢度釣魚，咁大個女，都未試過釣到咁多魚，

有成一桶魚咁多，當然係成隻船咁多人一齊計啦!

不過我想影底之時，佢以經拎咗去整啦!

呢條其實係我釣嘅，不過借住比亞仔影啦!

 

 

個度D山呀! 石呀! 真係好靚!

 

其實呢個係一個蝙蝠洞呢架，不過因為黑得滯影唔到裏面，所以唯有影出面啦!

有個麻鷹巢，好大架!

 

呢個你地就咁睇好似無咩嘢，但你地睇真D，

你地覺唔覺得好似有個孕婦瞓咗係度呀，其實呢個叫孕婦島

我地會進入呢個孕婦島睇吓，因為入面有個淡水湖

但係入去之前會有好多馬騮，我真係好驚，

因為D導遊話D馬騮會搶嘢woo

呢就係個島入面嘅淡水湖呀! 

 

 

佢地話無論你識唔識游水都最好著救生衣，因為水深有成７層樓咁深o架！

跟住我地又去咗另外一個島食海鮮午餐，就係食啱啱我地釣完個D魚，原來食自己釣個D魚係特別好味，不過其他嘢就．．．．．．．．．．．．

 

 

\

去完第一日嘅local tour之後，我地就番酒店個泳池再游水，睇吓，有幾隻豬係度瞓緊呀

 

 

 

 

呢度就係酒店隔離嘅鬧市，亦都係成個浮羅交怡最旺嘅地方

跟住夜晚去咗只係逢星期六先開，非常道地嘅夜市，

好好彩我地可以去到，你地有無見個呢D咁大嘅豆呢，香港個D只有手指咁大楂

呢一鑊油我地都覺得係一鑊萬年油，好黑好黑o架

馬拉沙律

  呢個就係我係浮羅交怡食咗咁多嘢之中覺得最好味嘅榴槤糯米飯

(因為亞仔同老公唔食榴槤，所以係香港好少食