零食之選？護👀之選？

零食之選？護👀之選？
如果想小朋友簡簡單單帶下小小零食返學又可以健康dd😂😂，
可以唸下佢，Healthproof康寶庫@兒童護眼寶加鈣，
有獨立包裝啦 ，帶番學校好方便，
又係楠楠鐘意嘅藍莓味，嗒下嗒下佢好鬼開心，
有時D同學仔仲問佢拎嚟食唔夠派，
而且早排楠楠話比我知佢👀有小小睇嘢朦朦地，
唉....緊係啦...成個暑假睇電視同Ipad....又坐唔好..可能都有D關係，
我心唸大件事喇，所以我就緊係拿拿聲帶佢去check 下👀仔先啦，
好彩check 咗係唔太嚴重，可以唔使帶眼鏡住都得，所以試下D保健產品先，
希望佢真係唔使帶眼鏡啦，如果唔係就麻煩喇 !

#JessC9 #護眼 #零食 #健康 #healthproof康寶庫 #藍苺 #兒童護眼寶加鈣

楠楠每日都要食兩包，因為佢真係一個糖怪....haha

帶番學校細細包真係好方便

 睇過D成份都好，有以下呢幾點都唔錯:  

1)  藍莓精華及維他命A: 有助兒童改善眼睛問題，

減低電子產品對眼睛的傷害 (好啱楠楠呢..haha)

2) 特別添加鈣及維他命D: 有助兒童骨骼及牙齒發育健康

(呢個好喎..可以高D)

3)  成份中更含維他命C，可助兒童抗病入侵，

改善兒童身體免疫力   (而家D細路成日病，預防定都好)

買都方便，是但去一間萬寧就有喇 !

試新嘢@健康食品H365

依家坊間真係好多健康食品俾小朋友食，

我呢個媽媽👩🏻都係一樣，俾好多唔同種類嘅比楠楠試，

有啲係食嘅，又有啲係飲嘅，有啲又話補呢啲，

有啲又話補嗰啲，其實我覺得最主要係佢肯食先囉!

今次就比呀女試咗隻健康食品叫H365，有隻係蔬果營養配方，
呢隻啱楠楠食，點解呢🤔？
因為佢成日都唔肯食菜🌽🥒🥒🍆🍅囉！
另外有一隻係維他命C加鋅，依家真係好啱時候食，
因為太多人流感😷，最後試埋隻牛初乳，
呢隻就好普及D，好多品牌都會有!

先講隻蔬果營養配方，不得了，

因為佢嘅味道似十足我哋細個識嘅時候粉粉地嘅糖，

入口即溶嗰啲，好好食，所以楠楠食咗一粒之後，

就即刻話要食第二粒，好彩我睇返，

原來一日可以食五至六粒，咁都好d，所以好放心佢食，

而且食得好開心，都係果句啦起碼佢肯食先啦，

另外個隻維他命C個口感都同蔬果營養嗰隻一樣粉粉地都好好味，

最後只牛初乳呢，呢隻就普普通通啦，

出邊坊間太多喇！

整體來講呢隻品牌都唔錯，

但至於功效就要食一段時間先知，

等我食完話比大家知啦！

         其實佢仲有好多好多產品:http://www.h365.com.hk/index.php/hk/

楠楠小小模特兒- 公主造型

今次係楠楠幫學前教育第二次做小小模特兒，

佢雖然個人有小小粗魯，但畢竟佢都係一個女孩子，

都係鐘意公主嘅，所以今次佢做得好開心！

等化妝，已經非常開心，楠楠後面個小模特兒好鬼靚呀，係max嚟架

呢個係另外一個max嘅小模特兒

呢張好大個咁

唔知以為佢好斯文

好滿意佢嘅造型

楠楠小一面試學生相

楠楠今年要小一面試了，唸住影張靚相，就算唔講得都呃得下人啦！

學前教育封面@楠楠第一次

楠楠終於做到2014年1月學前教育雜誌封面，雖然個樣唔似同埋好肥，但都已經好開心！

楠楠小小模特兒

楠楠做咗學前教育第143期嘅小小模特兒

楠楠四歲生日@和富冒險樂園

                                                     楠楠一歲生日之後就無開個大型生日Party, 
                                       所以今年四歲就唸有邊度好玩得嚟又平平地呢? 搵搵下原來冒險樂園幾好wor!!
                                     我都去咗幾間冒險樂園睇過, 覺得和富呢間幾大, 唔錯, 又無咁多人, 所以就係呢間搞!

呢道活動空間都幾大, D小朋友就係好開心

咩年紀都啱玩

自己搵咗一間到會, 無搵佢介紹個D

Thanks Connie幫我 Design 嘅banner

Thanks everyone to coming

食完再玩

多謝大家嘅禮物