樂言小學畢業了

不知不覺樂言小學畢業了，好開心好感恩，

希望你上到中學仍然努力！

樂言10歲大壽

好快樂言就10了，真係不知不覺間大過咗好多，

亦都因為佢10歲，所以就一次過同佢去海洋公園同夜晚去唱K，

佢呢日玩得非常開心！

樂言9歲大壽

話咁快樂言9歲喇，因為佢大個嘅關係，我都無話特別同佢開Party，

又咁啱佢生日又係年三十晚而且又係假期，所以同佢去咗海洋公園玩，

大個咗兒童王國已經唔再係佢嘅飛佛，佢話要挑戰刺激嘅機動遊戲，

佢竟然真係咩都夠胆玩，例如跳樓機同瘋狂過山車呀．．

不過因為高度關係所以玩唔到，而海盜船同越礦飛車，

佢哋就玩得非常開心，

當然呢個生日緊係唔少得佢半個亞爸同亞媽嘅Family Tsang 啦！

靚模

                                  亞仔同雪妍扮靚模，真係幾搞笑囉！

大個咗

亞女出世後，都好少寫哥哥嘅嘢，

所以今次要講吓哥哥先，亞妹喺我個肚嘅時候，

我都仲係覺得哥哥係一個小朋友，但亞妹出咗世之後，

突然覺得哥哥大個咗好多好多，佢會幫我做好多嘢，

幫亞妹攞尿片，同亞妹玩，氹亞妹瞓，

亞妹瞓咗之後又會隔幾分鐘入去睇吓個妹．．．等等．．．．．！

真係好開心佢會咁做，可能佢大亞妹成8年幾，

所以真係會好ｄ，佢仲成日同我講楠楠豬真係好得意呀，

真係好欣慰佢咁鍚個妹！

傻瓜廿四考爹D

因為工人姐姐放假嘅關係，所以我老公就要分担平時姐姐做嘅嘢，

好似要6點半起身同亞仔準備返學，預備早餐比亞仔（如開牛奶），

同埋帶亞仔落去搭校車，佢都一手搞掂，跟住因為呢個甲班流感H1N1嘅關係，

所以佢順便車埋我返工，由本身佢可以9點幾先起身，但而家要6點幾起身，

同埋我老公又係一個睡魔，要佢咁早起身又真係幾慘嘅，不過我無迫佢架，

佢自己話要做架，不過擒日就發生咗ｄ搞笑嘢，就係每一日都要同亞仔量體溫，

佢有量不過無簽名啫，所以返學又要量多次，跟住我叫佢記住同亞仔裝水返學，

跟住佢又唔記得，仲要有體育堂tim，搞都亞仔成日都無水飲，

又因為甲班流感H1N1嘅關係，所以學校cut晒ｄ水機，

真係口渴死佢呀，最搞笑就係以下呢樣.嘢....佢同亞仔搭lift落去返學嗰時，

準備出lift，跟住亞仔話：『爹D，我哋要上返去呀，因為我唔記得帶書包呀！』

佢同我講番嗰時，真係比佢兩仔爺笑死，不過佢都算係一個傻瓜廿四考爹D囉！

廸士尼vs海洋公園

係近呢幾個星期，我都同咗亞仔去廸士尼同海洋公園各一次，

其實呢兩個地方我通常一年都去幾次嘅，

不過唔知係咪亞仔已經大個咗，所以佢今次去廸士尼話有d悶喎，

除咗玩飛越過山車同馳車天地有大ｄ反應之外，

其他都唔算太興奮，而海洋公園呢，佢竟然走去玩越礦飛車，

同埋佢只係啱啱夠高玩jar，佢真係有我嘅遺傳，鐘意刺激，

睇嚟下次帶埋佢去海洋公園嘅哈囉喂先得喇！

廸士尼

海洋公園

你哋睇唔睇到我老公唔見咗個身呀！好恐怖呀！

大帽山的一羣牛

每過一陣子我哋就會去大帽山飲吓茶，

飲完荼就例牌上去大帽山上睇風景，上面嘅景色真係好靚，

聽Family Late佢哋講山上好多野生牛，不過我上咁多次都係見過一隻半隻，

但今次就唔同啦！我哋見到一羣呀，真係好多隻好得意，

佢哋又好似見慣晒我哋ｄ人咁，佢有佢哋行，我有我哋行，

佢有佢哋食，我有我哋影，完全唔理，

跟住Family Late個細仔仲得登踩落ｄ牛屎到tim呀！

我哋準備迎接ｄ牛由山行落嚟

嘩！其他呢度只係一半，仲有一半係再上ｄ未落嚟

幾舒服ｄ牛，自由自在

就係曾氏細仔出事踩落ｄ牛屎到啦！

樂言哥哥有個妹妹lu !

之前同大家講過話去睇醫生會照吓BB係囡囡定仔仔，

其實上次醫生已經有同我講架喇！不過佢又笑笑口咁只係7成係囡囡，

唔知下星期會唔會生番出嚟架wor，

當時我同老公都覺得醫生都係講得保守ｄ係正常嘅，

所以嗰次睇完就無同大家講係囡囡定仔仔，

但因為而家已經成22週喇，早幾日再去覆診，

醫生今次都幾肯定同我哋講話囡囡嚟，

因為佢連女性器官都指埋比我哋睇，所以都應該無錯架喇，

雖然都好多人同我講話照到係囡囡都唔一定係囡囡，

但我當佢係架喇，我真係好開心呀，

一仔一女一個好字，樂言哥哥就快有個妹妹 lu！

仔仔8歲大壽

亞仔8 歲大壽啦! 佢足足大BB8年有多,

 8歲真係唔同d, 個人大個咗,有做哥哥嘅典範,

下下都照顧細個佢嘅小朋友, 又成日照顧我tim,

今年照舊請咗佢d Best Friend上屋企食吓嘢玩吓,

見到佢哋一個一個咁快就咁大個, 真係有d感觸,

應該我肚個嗰都好快, 哈哈!真係好期待佢出嚟!

任o趙唔嬲

無人肯獻技, 所以亞仔自己彈生日歌比自己

佢至愛嘅NDS蛋糕

Nicholas ! Happy Birthday !