菲律賓克拉克之旅

上回講到話我地呢個3日兩夜旅程變到成4日三夜旅程 , 點解?

因為我地班機delate咗成日law, 因為我地係搭香港航空,佢係一間超新嘅航空公司,

本身係星期日夜機返,跟住變咗星期一下午先返到,當然我地收到領隊電話嘅時候,

我就第一時間就問佢,我地嘅食宿問題係會唔會包,有無保險claim,

幾時可以比番個航空公司嘅delate證明,又或者有無其他途徑走啦!

(我其實曾經考過領隊牌嘅,呢個危機處理問題,係一定必考嘅,我個時比亞sir考嘅時候,

比亞sir係咁問點樣處理,所以我就問番夠本先得,哈哈!)

當然最終我地都係選擇第二日先走啦!(因為我知有D其他團嘅團友係馬尼拉個邊個機埸走)

,同埋咁啱我其中一個同我地一齊去嘅friend(亞Ann)佢係做保險嘅,

佢話呢種旅遊保險delate咗成日,小則賠幾百蚊,大則分分鍾都可賠成千蚊,

嘩!咁我地咪等於唔使錢旅行!

 

 係機場食早餐,先影番張相先

 

第二日一早就去食早餐,跟住返房休息一陣就開始出發去玩,

因為呢個團主要係好多自由時間嘅,所以你想去邊都可以,

你亦可以跟local tour出去馬尼拉,但因為出去一來一回要成4個鐘,

所以我地決定唔出去,跟住我地去咗個度嘅水上樂園,

做按摩,shopping,就係咁又過咗一個好relax嘅一日

 

其實個度地方真係幾大

 

個度D樹真係幾特別,有好多款,有好大嘅,亦有細嘅

 

 

你地覺唔覺得個頭同播樹好似呢?

 

 呢個就係個個水上樂園啦!

 千其唔好睇呢條滑梯咁細條,其實都幾激o家,我地玩咗好多次

 我地都幾激,游游吓水我地都走去飲啤酒

 最後夜晚我地去咗按摩,不過都唔平,(腳底HK$90半個鍾 / 全身HK$170一個鐘)

 

 

於第三日下午仲會有一個景點要去同埋會再去shopping,

所以當日早上我就再瞓晏D,儲定D精力出去,果然係好D woo

我地去咗軍事博物館,不過係好細,無咩好睇,好快就行完

第四日因為下午1點機嘅關係,所以我地食完早餐就要去機場,咁樣之下,

我地就將剩餘嘅時間去再影D相

 

我叫佢地擺嘅post

終於畢業了

我嘅寶貝仔終於畢業啦！好開心，好感動呀，我仲差D流咗滴淚tim，亞仔嘅第一次嘅畢業禮終於誕生咗啦！不過我同自己講，亞仔仲會有好多個畢業禮我地要去，呢個只係啱啱嘅開始，好快好快亞仔就已經咁大個啦，所以係不久嘅將來你地好快就會見到我個blog post咗個topic就係亞仔大學畢業啦! 時間真係眨吓眼就會過，所以我地真係要好好珍惜我地嘅青春（吓！唔係呀麻？青春？）Sorry呀，係好好珍惜我地嘅時間先真，好啦比小小相你地睇吓啦！

佢呢個女同學都幾靚o家

亞仔今年攞咗個學業成績優異獎，我好開心

呢D係其他小朋友嘅表演，我覺佢地好得意，所以影底咗

呢張有樂言嘅泳衣照，搵唔搵到佢呀！

我仲叫埋亞爸，亞媽，奶奶，工人去捧場tim

期待

好開心呀!之前話好想好想去旅行,終於有幾個朋友落搭啦!其實係去菲律賓三日兩夜,啱啱重報咗個團tim,我本人其實真係唔係好鐘意跟團,但呢個團實在太平啦,所以終於屈服咗,不過雖然我哋係跟團,但其實佢同自己去都大同小異,不如講吓個內容比大家聽吓啦!

地方: 菲律賓克拉克渡假城(之前拍攝賭場風雲個度)

團費:$799 

行程如下:

第一日:   10:30 am 起飛 就會去睇吓當地D小小名勝同埋shopping mall跟住返酒店

第二日:   就自由活動(可選擇係酒店玩,由於呢個渡假酒店,所以係好多嘢玩,例如有: spa / golf / 卡拉ok        一 個大型嘅水上樂園  / 網球場 / fitness center 等等,亦可跟 local tour去馬尼拉玩都係當地D小小名勝同埋shopping mall,大約港幣350

第三日: 亦都係自由活動,如果第二日出咗馬尼拉,就可以第三日先去水上樂園游水  5:55 pm起飛返香港

 

因為要等到6月29日先出發,所以真係好期待呀!

 

唔知好唔好玩?

今個星期五就出發去菲律賓克拉克啦!

唔知好唔好玩呢?,

我有上網check過睇吓有無其他人去過,

睇吓有D咩comment,

當然係有D人講好,亦有D人話唔好啦!

佢地話似乎你係想要D咩woo,

其實之前同LaLa去菲律賓馬尼拉,

都係去食吓嘢同睇小小名勝咁啦!

不過都有難忘之處嘅,

我記得個次個導遊同我地成班團友去咗間餐廳都幾特別,

大約二百幾蚊一位,有歌聽又有有嘢食,

不過佢嘅特別之處其實你食食吓嘢,

突然幫你執緊嘢個位人兄係你隔離唱歌,

仲要都幾好聽,跟住個廚師煮煮吓嘢食又會唱,

有個人掃掃吓地又唱,跟住就成間餐廳就一齊唱,

然後佢又會拉你一齊唱,仲要出去一齊跳,

我記得我同LaLa都有出去玩,

你又記唔記得呀La La,

不過今次有小小唔同嘅心態,

主要其實去睇吓呢個渡假村,relax吓,

因為呢個渡假村都有幾多嘢玩,

可以睇吓以下呢個網址http://www.jimei.com.hk/unit_clark/indro.htm,

不過應該都幾好玩嘅,因為同三個傻傻地,

又無咩所謂嘅人(其實係無咩主見,哈哈!比佢地見到我咁話佢地,肯定比佢地鬧死!),

所以呢個trip我都好期待快D去,

我一定影多D相比大家睇吓係唔係個渡假城真係咁正

亞仔終於甩牙啦!

亞仔終於甩咗第一隻牙啦! 好感動，感覺到亞仔好似大個咗，我同佢講開始甩牙D曵應該就隨住D牙甩會無晒，而D乖開始生番出o黎，佢真係好似乖咗D woo，哈哈!

珠海澳門之旅 (石景山動感樂團+澳門)

今個復活節同我老爺奶奶佢o地一家8口去咗珠海澳門兩日一夜,都幾開心,

最開心當然係小朋友同老人家啦!
我o地後生當然都開心不過都有小小辛苦,

因為實在太早起身,我o地呢起碼兩點先zzzzz,但要7點起身,

所以都係鐘意自由行,不過無辨法因為同老爺奶奶佢o地一齊會方便Do羅!

 

 

呢個風濕配方個度個介紹人話好正,所以post上呢睇吓有無人啱用

 

呢個叫石景山動感樂園,只要比50蚊就可以坐覽車上去

,就坐車仔落o黎,好刺激

 哈哈!呢個就係落山個架車啦！由山頭滑落山腳，

樂言重話要坐最前，玩完重要話超級超級超級好玩

大家有無覺得我個樣有DD唔同呀！就你好似青春咗o羅

個風景真係幾靚,可以望到澳門

有個訐願石,只要模吓就得,唔知真唔真呢!

呢個係澳門旅遊觀光塔裹面其中一個games，

叫做sky walk，我好想玩但我老公話唔會陪我玩，

因為佢驚o羅，所以我會邀請幾個朋友同我玩，

唔知D朋友會唔會有興趣呢!

 

又再一次令我担心了

今日見心情都OK，唸住放咗工就去做Gym，差不多五點三，亞仔學英文間學校打o黎話樂言整到耳仔流咗幾多血，真係嚇到我呀！跟住我問點解會這樣，原來亞仔又玩體操，雙手按住張抬跟住雙腳離地，好似體操王子，跟住失平衡跌咗落地，所以整到隻耳仔流血，又跟住落附近醫務所睇醫生，但醫生睇完後話最好去醫院聯針，好啦去都醫院足足等咗３個鐘聯咗３針，我個心真係好痛，６歲大已經聯咗第３次針，仲要有時加埋佢Daddy又整一次比我嘆吓，我真係就o黎傻啦!不過算啦!  因為樂言話真係真係下次會再小心D!