浮羅交怡-第 1 & 2 日

因為我地第一日其實係下午6點鐘先至係香港起飛嘅關係，

所以去到浮羅交怡已經成１０點，

亦因為第二日一早我地join咗個local tour 去紅樹林一日遊，

所以去到酒店都要瞓la，好啦! 如果唔係La La叫我比d酒店相佢睇，

我都唔係好記得原來我無咩影到酒店相，今次我無選擇住resort

，原因係如果住resort會離開市中心好遠，

所以我揀了係正正市中心但唔係resort嘅酒店，因為有小朋友一齊去近市中心比較方便

 

呢張就係酒店正門，雖然唔係話好靚，但不過不失啦!

 

呢個係佢又細玩到大嘅好朋友Louise，但５日黎佢地成日係道鬧交囉，

不過轉頭又好friend囉

 

呢個係上船嘅碼頭

我地就係坐呢架大飛開始我地嘅旅程啦!

 

第一站就去睇呢個紅樹林，呢度就係成日會有鱷魚出沒嘅地方，

但當然我地係見唔到啦! 唔知係唔係早得滯瞓緊呢

跟住就去餵麻鷹，嘩！真壯觀，俾佢喙一吓，

真係ban度都唔駛氣！（禾撈公話嘅）

 

 

跟住就去咗呢度釣魚，咁大個女，都未試過釣到咁多魚，

有成一桶魚咁多，當然係成隻船咁多人一齊計啦!

不過我想影底之時，佢以經拎咗去整啦!

呢條其實係我釣嘅，不過借住比亞仔影啦!

 

 

個度D山呀! 石呀! 真係好靚!

 

其實呢個係一個蝙蝠洞呢架，不過因為黑得滯影唔到裏面，所以唯有影出面啦!

有個麻鷹巢，好大架!

 

呢個你地就咁睇好似無咩嘢，但你地睇真D，

你地覺唔覺得好似有個孕婦瞓咗係度呀，其實呢個叫孕婦島

我地會進入呢個孕婦島睇吓，因為入面有個淡水湖

但係入去之前會有好多馬騮，我真係好驚，

因為D導遊話D馬騮會搶嘢woo

呢就係個島入面嘅淡水湖呀! 

 

 

佢地話無論你識唔識游水都最好著救生衣，因為水深有成７層樓咁深o架！

跟住我地又去咗另外一個島食海鮮午餐，就係食啱啱我地釣完個D魚，原來食自己釣個D魚係特別好味，不過其他嘢就．．．．．．．．．．．．

 

 

\

去完第一日嘅local tour之後，我地就番酒店個泳池再游水，睇吓，有幾隻豬係度瞓緊呀

 

 

 

 

呢度就係酒店隔離嘅鬧市，亦都係成個浮羅交怡最旺嘅地方

跟住夜晚去咗只係逢星期六先開，非常道地嘅夜市，

好好彩我地可以去到，你地有無見個呢D咁大嘅豆呢，香港個D只有手指咁大楂

呢一鑊油我地都覺得係一鑊萬年油，好黑好黑o架

馬拉沙律

  呢個就係我係浮羅交怡食咗咁多嘢之中覺得最好味嘅榴槤糯米飯

(因為亞仔同老公唔食榴槤，所以係香港好少食 

浮羅交怡 - 第3日

 

第3日早上比較要早小小起身，因為我地要去第2個嘅loal tour，

就係去呢個芭雅島大堡礁，因為要坐成個幾鐘頭船先去到，

所以我地要8點鐘出發呀！有D咩玩呀，聽個名就知緊係水上活動同水裏活動啦！

有我嘅人生嘅第一次嘅潛水（仲係有張證書架，不過張證書係個朋友度，所以俾唔到你地睇，哈哈！好似好勁咁)、浮潛、游水、鍡鯊魚啦........等等，

當然我地係全部玩晒有突呀！(唔好意思，無影到個潛水look，

不過唔緊要，因為實在個look都幾唔得)

 

 

我地去到呢度嘅芭雅島大堡礁，佢其實係一個島，而個島對出就係呢個大浮台，

所有活動同食、瞓、痌，都會係呢度架，個度D水真係好清，

仲有好多魚，不過亞仔因為第一次玩浮潛嘅關係都有小小驚D魚，

所以我就同佢講，其實D魚係想同你玩架咋，唔使驚架，

但係點知佢同我講，媽咪你點知架，D魚同你講架，

但係D魚唔識講嘢woo

 個浮台側面可以企係度，方便D人係度鍡魚

 見唔見到D魚呀！

 亞仔個浮潛look得唔得呢！

 

大家都可能覺得好奇怪，點解我會影呢條友隻腳呢，

話說呢條友仔嘅老婆潛水嘅時候除底咗佢對拖鞋，

點知佢上到0黎又唔記得攞番對拖鞋，到食飯先醒起，

跟住去咗搵啦！但係已經無咗影啦對鞋，而係個度又無鞋買woo，

咁呢條友為表愛佢嘅老婆，所以佢就咗自己對拖鞋比佢老婆，

而自己就赤腳咁由個度直至返到酒店，其實開頭都唔覺得好好笑，

但係當佢隻腳掂落地下好熱啦！個腳板越來越黑嘅時候，真係好好笑

當佢去度酒店嘅時間就已經變成咁啦！

 跟住我地去咗大名鼎鼎嘅神鷹廣場(我地叫佢神經廣場)影番張相留念啦!

 

呢個角度影上去係咪幾好呢！

 

  我地已經有D癲癲地la!

 

 為咗我要學影相嘅關係，我成日都要佢地擺post，哈哈!

浮羅交怡 - 遊山玩水

今次去呢個地方都幾唔錯，

因為浮羅交怡其實係一個幾舒服嘅地方，

我本人其實幾鐘意去D多姿多彩啦，

多嘢食啦，多嘢買啦嘅地方，

但係今次去浮羅交怡係唔會有夜生活啦，

D shop９點到就關門，同埋真係唔會有啱嘅嘢買囉，

又無咩特別土產，呀！唔係嘅，都唔係無，

係有好多絲布買，所以唔係好啱買，

不過佢都有個特色就係去到邊都有好多duty free，

因為佢原來有另外一個名叫免稅島，周圍都有免稅店，

所以如果買酒就真係好平，我都買咗兩支返黎，

仲平過你係香港duty free買，

例如我之前係香港duty free 買Balleys

就HK$160 芝華士就HK$210，

但係個邊Balleys就HK$120芝華士就 HK$170，

同埋只係買咗小小嘢食返黎，雖然無咩買，

無咩夜生活，唔係好多嘢食，但係佢好大自然feel，

真係名副其實嘅遊山玩水，去咗上山行山啦！

去咗潛水游水啦！真係好寫意囉，我會盡快post上網D相架啦!

浮羅交怡 - 遊山玩水

今次去呢個地方都幾唔錯，

因為浮羅交怡其實係一個幾舒服嘅地方，

我本人其實幾鐘意去D多姿多彩啦，

多嘢食啦，多嘢買啦嘅地方，

但係今次去浮羅交怡係唔會有夜生活啦，

D shop９點到就關門，同埋真係唔會有啱嘅嘢買囉，

又無咩特別土產，呀！唔係嘅，都唔係無，

係有好多絲布買，所以唔係好啱買，

不過佢都有個特色就係去到邊都有好多duty free，

因為佢原來有另外一個名叫免稅島，周圍都有免稅店，

所以如果買酒就真係好平，我都買咗兩支返黎，

仲平過你係香港duty free買，

例如我之前係香港duty free 買Balleys

就HK$160 芝華士就HK$210，

但係個邊Balleys就HK$120芝華士就 HK$170，

同埋只係買咗小小嘢食返黎，雖然無咩買，

無咩夜生活，唔係好多嘢食，但係佢好大自然feel，

真係名副其實嘅遊山玩水，去咗上山行山啦！

去咗潛水游水啦！真係好寫意囉，我會盡快post上網D相架啦!

菲律賓克拉克之旅

上回講到話我地呢個3日兩夜旅程變到成4日三夜旅程 , 點解?

因為我地班機delate咗成日law, 因為我地係搭香港航空,佢係一間超新嘅航空公司,

本身係星期日夜機返,跟住變咗星期一下午先返到,當然我地收到領隊電話嘅時候,

我就第一時間就問佢,我地嘅食宿問題係會唔會包,有無保險claim,

幾時可以比番個航空公司嘅delate證明,又或者有無其他途徑走啦!

(我其實曾經考過領隊牌嘅,呢個危機處理問題,係一定必考嘅,我個時比亞sir考嘅時候,

比亞sir係咁問點樣處理,所以我就問番夠本先得,哈哈!)

當然最終我地都係選擇第二日先走啦!(因為我知有D其他團嘅團友係馬尼拉個邊個機埸走)

,同埋咁啱我其中一個同我地一齊去嘅friend(亞Ann)佢係做保險嘅,

佢話呢種旅遊保險delate咗成日,小則賠幾百蚊,大則分分鍾都可賠成千蚊,

嘩!咁我地咪等於唔使錢旅行!

 

 係機場食早餐,先影番張相先

 

第二日一早就去食早餐,跟住返房休息一陣就開始出發去玩,

因為呢個團主要係好多自由時間嘅,所以你想去邊都可以,

你亦可以跟local tour出去馬尼拉,但因為出去一來一回要成4個鐘,

所以我地決定唔出去,跟住我地去咗個度嘅水上樂園,

做按摩,shopping,就係咁又過咗一個好relax嘅一日

 

其實個度地方真係幾大

 

個度D樹真係幾特別,有好多款,有好大嘅,亦有細嘅

 

 

你地覺唔覺得個頭同播樹好似呢?

 

 呢個就係個個水上樂園啦!

 千其唔好睇呢條滑梯咁細條,其實都幾激o家,我地玩咗好多次

 我地都幾激,游游吓水我地都走去飲啤酒

 最後夜晚我地去咗按摩,不過都唔平,(腳底HK$90半個鍾 / 全身HK$170一個鐘)

 

 

於第三日下午仲會有一個景點要去同埋會再去shopping,

所以當日早上我就再瞓晏D,儲定D精力出去,果然係好D woo

我地去咗軍事博物館,不過係好細,無咩好睇,好快就行完

第四日因為下午1點機嘅關係,所以我地食完早餐就要去機場,咁樣之下,

我地就將剩餘嘅時間去再影D相

 

我叫佢地擺嘅post

終於畢業了

我嘅寶貝仔終於畢業啦！好開心，好感動呀，我仲差D流咗滴淚tim，亞仔嘅第一次嘅畢業禮終於誕生咗啦！不過我同自己講，亞仔仲會有好多個畢業禮我地要去，呢個只係啱啱嘅開始，好快好快亞仔就已經咁大個啦，所以係不久嘅將來你地好快就會見到我個blog post咗個topic就係亞仔大學畢業啦! 時間真係眨吓眼就會過，所以我地真係要好好珍惜我地嘅青春（吓！唔係呀麻？青春？）Sorry呀，係好好珍惜我地嘅時間先真，好啦比小小相你地睇吓啦！

佢呢個女同學都幾靚o家

亞仔今年攞咗個學業成績優異獎，我好開心

呢D係其他小朋友嘅表演，我覺佢地好得意，所以影底咗

呢張有樂言嘅泳衣照，搵唔搵到佢呀！

我仲叫埋亞爸，亞媽，奶奶，工人去捧場tim