2008復活節北京之旅 - 喪行篇Part 2

今次去北京嘅感覺好好，好有親切感，有ｄ覺得返咗古代咁，

以前去其它國家都有行ｄ古蹟，但無咩興趣，

但反而今次呢？就好有興趣wor，唔知係咪人老咗呢，

想睇多ｄ嘢！去完今次北京之後就想去多ｄ中國其它地方睇睇囉！

故宮博物館

 

龍椅

人民大會堂

英雄紀念碑

天安門廣場

奧運倒數時鐘

德勝門樓

胡同 - 坐人力車

沿途有條酒吧街，好有風味

什剎海

 

2008復活節北京之旅 - 喪行篇Part 1

要形容北京嘅旅遊景點呢，如果用一個字嚟形容呢就係個大字，

用兩個字就係好大，用三個字就係超級大，

用四個字就係好鬼死大，用五個字就係使唔使咁大，哈哈！

講笑啫．．．其實係地方大、建築宏偉、歷史悠久等等啦．．，

不過因為呢ｄ原因所以係要用好多腳骨力先行到咁多地方，

尤其係行長城，ｄ樓級又高又鈄，不過亞仔真係好勁，

咁多個之中佢係最快同都唔識赲嘅一個囉！

 

首先睇吓我哋北京奧運嘅體育館(水立方，鳥巢)

五隻福娃，（貝貝，晶晶，歡歡，盈盈，妮妮）

就即係北京歡迎你咁解，如果我無去北京我都唔係太清楚囉！

頤和院

 一家人當然要係夫妻樹到影番張相啦！

慈禧太后睇太戲嘅地方

 

 

好長嘅海濱長廊 (唔記得有幾多里)

 

慈禧太后賞湖嘅地方

 

慈禧太后

 

龍徵酒廠

 

 

 

 

明十三皇陵

 

 

 

 

天壇

天壇 - 天心石

 

2008復活節北京之旅 - 住宿篇@北京春暉園溫泉渡假酒店

我返嚟La！今次去北京比我感覺好好，可能因為奧運嘅關係，

ｄ人好Nice，d地方好大好靚，仲睇到好多好多好宏達嘅建築物，

又可以education 亞仔ｄ中國歷史，佢同我講話wor，

去咁多地方最開心係今次，因為佢話可以登長城做好漢，

不過雖然今次係跟團，但係第一次去北京跟團都係好，

因為去嗰ｄ地方，佢可以講比我哋聽ｄ歷史，

因為我歷史係非常渣，唔係．．．．係應該講係我讀書好渣，

所以我係講唔到比亞仔聽嘅，不過我真係講唔到我老公都OK嘅，

因為佢睇好多武俠小說，都有ｄ嘢學到番嚟，當然我哋講唔到導遊個ｄ咁深啦！

不如Post D酒店相比你哋睇睇先，我哋總共住咗兩間酒店，

其中一間係有私人風呂嘅酒店，真係好正，仲要嗰日咁啱個酒店好Full，

佢仲upgrade咗我哋一家三口去一間複式嘅房，

而另外一間呢！雖然無複式，但間酒店好大好大，好舒服．．．．．！

 

北京春暉園溫泉渡假酒店

 

走廊

 複式房

 有麻雀打o家

 私人風呂

 朝早嘅景色真係特別淒美

 龍城麗宮國際大酒店

正門嘅左邊

正門嘅右邊

大堂

餐廳

房間

花園

 

終於決定咗去邊啦！

經過十多日嘅時間，我哋一班朋友日終於有個決定去邊度玩啦！

原本想去盤龍峽嘅，但因為車程太長嘅關係，而家就變咗去珠海澳門啦！

而本身9個人去，而家呢？就演變成18個人去，

真係變化好大，點解呢？因為本身唸住想一班朋友一齊柴娃娃去邊都無所謂，

但唸來唸去都未決定到，終於我今日捉咗佢哋出嚟相討兼去旅行社望吓，

跟住見到某間旅行社有個團好平好平，所以就問吓啦！

一問之下，問咗幾個幾抵嘅團，而其中一個就非常超值tim

三日兩夜去珠海澳門，不過就要係深圳來回，但係只需要$189，

嘩！有無咁平呀？住酒店都係番到啦！

我哋係度唸，我哋無非都只係想一班人一齊去玩吓，

所以呢個團都好啱wor，不過我哋緊係想望真小小，

睇吓會唔會有其它選擇啦！跟住又見到一個行程差不多，

但其中有晚係住溫泉酒店wor，而價錢只係$429，

仲要如果五位以上報名，就可以減多$50一位，即係話減咗就只係$379一個，

$379一個人仲要係去三日兩夜，唔去好似有ｄ對唔住自己囉，

所以就係咁就決定咗呢個珠海澳門溫泉之旅，跟住我哋就問吓個報團哥哥仔，

我哋大唔大機會成團o架？佢就話大約二十個人到就成團o架啦，

所以跟住我哋就問吓身邊有無ｄ朋友想去囉，

問吓問吓就演變咗成1 8個人去囉，不過我哋仲有機會再多ｄ人去tim，

因為有ｄ朋友話要第二人先覆到我哋，

所以如果大家有興趣的話，歡迎大家報名。

日期：係４月４日至４月６日

團號：KKK03《威尼斯人度假城、富都（飄雪）溫泉渡假村、美食３天團》

地點：珠海澳門（不過要係羅湖來回，可能我哋會係澳門自己走）

旅行社：關鍵旅遊

網址：www.kwankin.com.hk

2008復活節@北京之旅

啱啱決定咗同老爺奶奶復活節去北京玩幾日，

每年呢個時間我老公都會陪佢哋兩個老人家去旅行，

不過近呢兩三年亞仔大ｄ我同亞仔都同埋佢哋一齊去，

佢哋老人家唔鐘意去過個ｄ地方又再去，

所以一定要選擇一ｄ佢未去過嘅，

所以都幾頭痛，因為佢哋大部份東南亞都差不多去過晒，

如果連大陸個幾個大城市都去埋嘅話呢？睇怕我哋要儲多ｄ錢先得啦！

因為到時就要同佢哋飛出亞洲，其實我係好想飛遠ｄ，

不過一唸起要搭咁耐飛機真係有ｄ驚，因為我係一個好難瞓得著嘅人，

如果要搭長途機真係唔知點算，不過可能到時帶定ｄ日劇台劇都可以嘅，

其實北京都想去幾耐，不過每次想去旅行嘅時候，

唔知點解最終都係好大機會去咗泰國，所以都好，

如果唔係佢哋，都唔知幾時去到，

所以今次一定要影多ｄ靚相返嚟比你哋睇先得。

仔仔Birthday Party 08

仔仔今年因為已經讀小一，所以今年無同佢係麥當勞開生日會啦！

只係唸住細細地咁開個生日Party，

開頭同老公商量搵邊ｄ人嚟嘅時間真係幾頭痛，

因為唸住唔會好似以前咁成４０人，

今年只係搵ｄ已經有小朋友嘅Friend同埋比較熟嘅朋友一齊慶祝，

但係計吓計吓，原本咁都有成二十幾人，仲要未唸到去邊度慶祝wor，

所以當時我同老公講不如自己一家人同仔仔慶祝算啦！跟住好啦！

開始唸地方嘅時間，一時唸．．．不如去同佢去海洋公園玩 la，

然後又唸不如入黃金海岸住一晚 la，不過又係度唸，

但係如果無小朋友同佢慶祝又驚唔開心wor，

當然去到最後係咩都唸唔到o家啦，咁點算呀？

最後我ｄ朋友話點解你唔直接問吓個主角呢！係wor！

原來小朋友都係好簡單嘅，佢只係話最緊要有禮物，

其他唔太重要，所以到最後只係搵咗幾個佢又細玩到大嘅好朋友同表哥表弟，

一齊係自己屋企慶祝就已經ok啦！

近排亞仔好鐘意跟Daddy睇足球，所以佢選擇咗呢個蛋糕

小小嘅生日Party

當佢哋唱生日歌嘅時間，亞仔怕羞wor！

唔知佢許咗個咩願呢？

你睇佢哋幾開心！

就係我哋班人同亞仔慶祝啦！

雪妍好鐘意揹住ｄ細個佢嘅小朋友架！

呢兩個小朋友好搞笑架！

豆腐芝士蛋糕

因為上次Janet整咗個豆腐芝士蛋糕而又好好味嘅關係，

所以我又要試吓先，因為本人都幾鐘意食豆腐味嘅嘢，

而又咁啱我嘅老死Maggie生日，當然又有籍口又整啦！

今次一次過整多咗個份量，所以可以有兩個，

一個送比佢，一個自己食，

正！

呢個係我妝飾

另外呢個係我工人妝飾

豆腐芝士凍餅 (8 吋）

餅底材料:
消化餅 8塊  +  牛油溶液  52 g

豆腐芝士材料 :
1) 淡忌廉     300 g
2) 忌廉芝士  250 g  + 砂糖  100 g 
3) 水         120 g  + 魚膠粉   20 g
4) 豆腐花   400 g     

做 法 :
1. 將消化餅壓碎, 加入已溶的牛油混合,平均壓在蛋糕模內,
   放入雪櫃冷藏一會備用
2. 將少許砂糖加入淡忌廉內, 用打蛋器打起約6成備用.
3. 魚膠粉加水拌勻, 用熱水座溶備用.
4. 將忌廉芝士加糖打至滑身.再將豆腐花分多次逐少加入忌廉芝士中   拌勻. 然後　將淡忌廉　拌入芝士糊內拌勻.
5. 最後將將魚膠水加入芝士糊內快手拌勻, 然後倒入餅模的餅底上.   放入雪櫃冷　藏3-4小　時即成.