藍色沖繩自駕遊＠第二天

到了第二日嘅行程啦！首先影番底個酒店外觀先，

間酒店除咗近國際通之外，仲好近單軌列車tim

因為我哋都會係那霸個邊住多日，所以都會仍然係呢邊玩嘅，

食完早午餐先就開始我哋嘅行程，早午餐係Mos Burger食，

不過無影底，跟住穿番國際通去番我哋酒店攞車，國際通早上又有一番味道wor ！

個邊ｄ人都好鐘意食苦瓜，連苦瓜加公仔都有，好得意

苦瓜櫈

Un 曾話要比恐龍食wor

然後我哋本身去一個叫姬百合嘅公園睇仙人掌，不過close咗，

所以去下一個景點玉泉洞

開始入洞啦！

我其實未去過呢ｄ鍾乳洞嘅，

不過去度呢度又真係覺得ｄ鍾乳石又真係幾晶瑩剔透wor！

呢度ｄ水好清好清，清到連un 曾都去lamｄ水

呢個青之泉可以比人許願，唔知亞仔許咗個咩願呢？

跟住出咗洞就去睇人整玻璃，原來整玻璃個ｄ爐有成500度wor！

而你肯比錢都可以入去整，有好多小朋友都等住整

呢個景點都有幾多嘢睇，不過我哋無去晒，最後出去前，

雪妍同樂言都條大網蛇影相，其實亞仔係好驚架！

而雪妍一ｄ都唔驚，好嘢！

去完玉泉洞就去咗首里城，不過我哋只係喺首里城出面睇吓，

影吓相，無入到去，因為個日都唔係好夠時間，

所以大家都覺得到此一遊都已經OK！

有一口井

首里城望去個town度又幾正wor！

曾氐細仔瞓咗，佢哋話都要影張留念

最後去完首里城就去食晚飯，原先想去牧志市場食海鮮，點知成個市場無開，

原來佢哋嘅孟蘭節同我哋嘅孟蘭節係同一日wor，

而佢哋呢個節日牧志市場係唔會開，不過點解唔開就唔知啦！

咁唯有走個日先再嚟過啦！

跟住就去咗食一間叫美海幸嘅迴轉壽司食Dinner la，

又係叫到一枱都係，又捧住個肚走la，

點知間迴轉壽司隔離有個小型兒童樂園，D小朋友又可以玩吓啦！

 

跟住再去超市行個圈，亞仔成日去到香港嘅Jusco都好想坐呢ｄ車，

但成日都坐唔到，但去到呢度就有好多架！佢終於都可以坐，

不過其實都唔係好啱佢坐，因為太細架車，

事緣食得太飽嘅關係，所以去完超市，

我哋再去多一轉國際通行吓，當做吓運動。

第二日完～

藍色沖繩自駕遊＠第一天

我come back啦！今次我哋都係同曾氐一家四口去嘅，

沖繩真係一個好靚好靚嘅地方，

沖繩比我哋嘅感覺就係個天好藍，好海好藍，好舒服，

因為我哋係自駕遊，所以可以一邊揸車一邊欣賞風景，

一邊去玩一邊搵嘢食，想去邊就去邊，好relax，日本人好有禮貌，

好乾淨，雖然我上次去日本（東京）已經係成十年前，

但我記得東京同沖繩都有唔同嘅感覺，而且我覺得沖繩係真係都幾啱Family去，

有好玩，有好嘢食，有舒服，有浪漫，又有得shopping，所以係值得一去嘅，

講番我哋第一日先，我哋係搭12點機去，去沖繩係只雖要兩個鐘零五分機程，

而日本係快香港一個鐘，所以去度沖繩差不多下午四點，因為我哋租咗車，

所以我哋一出到機場就應該有租車公司嘅人去接我哋去佢間公司攞車，

不過間租車公司記錯咗我哋落機嘅時間，所以我哋要係機場等咗一陣。

 

係香港機場出發 lu，曾氐細仔係第一次搭飛機，所以佢係非常興奮

 

你哋睇係咪真係好興奮呢！而且佢係非常搞笑！

你哋睇係咪真係好興奮呢！而且佢係非常搞笑！

等緊嘅時候無嘢做就周圍影吓先，不過佢個機場真係好細！

Un 曾話要同ｄ汽水機影相留念

有人接我哋去攞車啦！

我哋租呢間車行係叫OTS rent a car，佢嘅service係好好，

最重要就係有人係識講普通話，唔使雞同鴨講，非常好！

仲有模擬駕駛，可以比ｄ唔係成人揸車嘅人試吓個感覺，

好似就係我呢ｄ考咗個牌啱啱十年都無咩點揸車嘅人，

終於比我係沖繩揸啦！

呢架就係我哋租嗰架車，咁啱又係我鐘意個款車Jazz，

揸完即刻想返香港買車，因為呢款車細細架，比較易handle

一上車就比我見到個日落

好有Feel，好正！

到了我哋酒店啦！我哋住呢間酒店叫Hotel Sun Palace，

http://www.palace-okinawa.com/

佢嘅外觀係攞獎架！整體都幾靚，

只不過大部份人都知日本酒店都比較細，不過就好乾淨，好企理！

呢度係大堂

係咪好細呢，頭一晚瞓得唔係太好，

唔知係咪有小小幽閉空間症，不過第二日就無事啦！

個洗手間係轉身都有ｄ難度

因為去攞酒店嗰時都成６點鐘，所以我哋攞完酒店就去食飯啦！

原來我哋間酒店就係最旺嘅國際通隔離，真係超方便！

個度好多大嘅卡通人物

好多酒，好想飲！

好多有特式嘅T-shirt係有okinawa嘅圖案，我同仔仔都有買嚟留念

 

我哋第一餐就係去食 Sam's 日本鐵鈑燒

首先要帶條小朋友圍裙

跟住簽番個名留念先，下次你哋經過睇吓見唔見我哋個名呀！

然後食番個甜品先，呢個牌子係沖繩周圍都搵到，

Blue Seal雪糕

我哋食咗個叫Blue wave嘅味，有小小波子汽水味

最後再整多杯解芒果汁(150 Yen)．．抵！

 

 

 

深圳按摩 +《領鮮環球自助餐》

好耐都未試過深圳ｄ新骨場啦！老公呢排都好忙，

成日都好夜返，有時仲係公司企成日，所以成日都係我面前話好攰要去按摩，

所以早兩日見無咁忙就同佢返咗大陸按摩同食嘢，

本身想試一間想食好耐都未食到嘅buffet《領鮮環球自助餐》，係稻香集團嘅，

 

但係嗰晚上到大陸都成十點幾，所以係食唔到，

最後都係食咗老公至愛嘅《小肥羊》，

我哋兩個都飲涼茶，不過一個係鬼佬涼茶，而另一外一個中式涼茶

而第二日中午先食番《領鮮環球自助餐》Buffet，

食完嘢就去咗一間新嘅水療《水立方國際水療會》，

http://www.slfspa.com/main.asp

我同老公都覺得有種新鮮嘅感覺，一來間水療

真係幾靚，

二來我哋去咁多次深圳大部份人都係好無禮貌，

但嗰度ｄ人都幾有禮貌同servise真係好好，

因為我老公見到一有個經理比人鬧緊，

但個經理都笑住而又好有耐性咁解釋，

比著我哋以前去個幾間，同你鬧過都似啦！

而且個度ｄ師傅手勢都幾好，唔求其囉！

仲有呀！我同老公可以坐係張情侶坐位一齊按架！好過癮！

所以佢即將會係我嘅新寵兒，真係好想快ｄ再去！

 

2008端午節 - 世界之窗之旅

仔仔近排成日都睇ｄ地理書，所以佢而家識好多唔同嘅地方同資料，

佢亦同我講話佢都想去好多地方見吓唔同嘅嘢，

所以有日仔仔就同我講話：

『媽咪，我想去巴黎睇鐵塔同去意大利睇比薩鈄塔』，

跟住我話：『短期內可能我哋未去到住，咁啦！不

如我哋去住深圳世界之窗，睇吓世界嘅縮影先，

然後過多兩年我哋儲多ｄ錢先去歐洲啦！』

所以係呢個端午節就同Family Late一齊去咗啦！

住咗間新嘅Novetel酒店幾唔錯同都幾Lucky，

因為本身我哋去之前嗰日，

已經打去問酒店叫佢安排connecting room比我哋兩家人，

跟住佢哋話OK，但點知去到上到房係唔係connecting room，

呢個Mrs Late緊係唔放過佢哋啦！再同佢再講再Bargain，

跟住最終緊係搞掂咗啦！上到房之後仲發現佢upgrade咗間正ｄ大ｄtim呀！

然後間房裏面仲有一碟生果同一支紅酒免費，

雪櫃裏嘅飲品都係免費架！今次真係大收獲啦！

 

酒店送嘅生果同紅酒

 世界之窗

泰國

聖馬可廣場

比薩鈄塔

金字塔

美國

跟住去埋裏面有個滑雪場，呢個係大人嘅滑道

而呢個係小朋友嘅滑道