仔仔8歲大壽

亞仔8 歲大壽啦! 佢足足大BB8年有多,

 8歲真係唔同d, 個人大個咗,有做哥哥嘅典範,

下下都照顧細個佢嘅小朋友, 又成日照顧我tim,

今年照舊請咗佢d Best Friend上屋企食吓嘢玩吓,

見到佢哋一個一個咁快就咁大個, 真係有d感觸,

應該我肚個嗰都好快, 哈哈!真係好期待佢出嚟!

任o趙唔嬲

無人肯獻技, 所以亞仔自己彈生日歌比自己

佢至愛嘅NDS蛋糕

Nicholas ! Happy Birthday !

亞仔的愛心回禮蛋糕

亞仔不知不覺就已經8歲喇，因為佢已經大個仔嘅關係，

所以呢兩年都係屋企開生日會，而今年都唔例外，

不過今年係亞仔生日嘅前幾日開始發燒，雖然唔係燒得好厲害，

燒吓又唔燒吓，但我都有唸過同佢取消個生日會，

但佢Daddy話唔好取消，因為亞仔期待咗呢一日好耐，

係一個月前亞仔同我哋講，佢要係生日個日早ｄ起身，

太約六點鐘到要起到喎，我哋問佢點解，佢話要渡過佢出世個一刻，

因為佢係六點二十分出嚟嘅，我哋兩個真係比佢笑死，

所以最後我都無取消到佢嘅生日會，

而我同佢都就整咗一ｄ愛心回禮蛋糕比ｄ嚟嘅朋友仔tim！

睇吓佢幾有心就知呢個愛心回禮蛋糕幾有義意，

發燒都要自己整呀！

等我share一下呢個非常簡單方便快捷嘅愛心回禮蛋糕嘅程序

材料：一包Muffin嘅粉，鮮奶，菜油，雞蛋兩隻，

蛋糕紙模，蛋糕模，靚靚蛋糕袋

首先將Mufifn粉加入3/4杯鮮奶，跟住再加入1/4杯菜油，

再加入兩隻雞蛋

之後攪攪攪，攪到佢滑晒喇，最加入藍莓（藍莓係喺Muffin盒內有)

然後倒入蛋糕紙模及蛋糕模，焗太約25-30分鐘

蛋糕即成，不過因為倒太滿所以滿瀉，所以唔係太靚仔

好彩之前我個朋友Venus比咗另外一隻蛋糕紙模我，

所以我哋又試吓唔好裝咁滿，今次成功！

入埋個靚靚蛋糕袋，亞仔好開心呀！

2009@大年初二澳門之旅

本身自己係一個Pat Pat尖嘅人，所以當我身體好似好番d嘅時候，

我就會唸去邊樹玩，邊樹食，當然新年假期係其中一個選擇啦！

不過本身想番去大陸個嗰東部華僑城，因為都有ｄ朋友去過話唔錯，

同埋個度都幾啱小朋友去，所以都有8至9成係去，當我決定去個一刻，

我唸住問吓亞妹意見（因為亞好係做part time領隊，好多廣東省地方都有去過，

跟住佢講完比我知個度原來要行好多地方，同埋新年你非常多人，

由山腳去到山頭起碼要成三個幾四個鐘，

嘩.......我聽咗之後緊係要再考慮一下啦！

經過我同Un Tsang一家商量之後我地選擇去澳門一天遊，

順便我地兩家都可以過去還神，所以年初二嘅節目就係過大海，

不過唔係賭錢，係遊車河同食嘢之行！

首先就去咗文華酒店攞車先，等緊之際去影吓相先，原來文華都幾靚架wor！

 

因為我地一行9人嘅關係，所以租咗兩部車，

亦都因為新年關係佢做緊promotion，好抵呀！

平時租成8百幾蚊，而家4-5百蚊就租到啦！

呢部7人車就$399

而呢部Smart就$499，不過只可坐兩人，

原因係我老公都幾想試玩吓呢部車！

開車 lu！

第一站氹仔，登登登登........就係我地一行9個人喇，

當然我唔係在內，因為我楂緊相機，首先要介紹一下當中嘅成員，

舅父（Maggie舅父) Autie（Maggie亞媽) Family Late (Family Tsang一家四口）

and My Family (Family Lam一家四口，計埋我個肚個嗰BB)

當中呢個舅父真係要介紹一下，

因為佢係一個非常搞笑而且好得小朋友歡心嘅舅公，

笑聲好似Joe 鮑，同埋成日比D糖果小朋友，又成日同佢地玩，

所以大家睇吓下面個幅相我個仔係拖住舅公而唔係拖住佢老豆囉！

又係去咖哩文食咖哩，嘩......不過新年加褔真係好厲害，

新年去食要加二五

雞翼牛腩飯 - 牛腩好味！

又一次威尼斯人，原來澳門泊車係好平架wor，

就威尼斯人啦！都只係十蚊一個鐘！

三個型仔型女

見到咀香園就即刻要唱首........

大三巴，觀音像，媽閣景至真優美...

最緊要，咀香園，咀香園，買手信，買手信....

做咩呀佢！

跟住去番氹仔攞番ｄ老婆餅之際，

見到呢間小飛象出面好多人楂住一個葡撻，

所以又走去買嚟試吓先！

又真係幾唔錯wor！

跟住又去咗媽閣出面食雪糕

三個傻佬傻婆

媽閣出面個停車場係唔知一蚊定兩蚊一個鐘，

總之就好平啦！

台灣胡椒餅

都有台灣8成功力

去到澳門緊係都要去一去大三巴啦！

跟住又比Maggie佢地搵到一個影到澳門塔嘅夜景，

仲比佢影到個feel都幾好tim

跟住夜晚去咗呢間海灣餐廳食葡國菜

只係講個飽都 - 好好好味

 炸馬介休球-好好好味

海灣沙津- 好好好味

咖哩牛脷飯 - 好好好好味

秋刀魚 - 好味 (因為我唔係太好魚)

羊架 - 我唔食羊，不過佢地話好好味

呢個係為我個仔叫，唔知咩咩炒飯 - 好好味

Maggie話葡國菜必食 - 非洲雞 - 好好好好味

鴨肉焗飯 -好味 (因為都幾多飯蕉，所以扣一個好)

食完呢一餐真係好飽好飽，

不過最後走之前都要再去義順食多碗雙皮奶先走，

真好非常飽呀！