終於決定咗去邊啦！

經過十多日嘅時間，我哋一班朋友日終於有個決定去邊度玩啦！

原本想去盤龍峽嘅，但因為車程太長嘅關係，而家就變咗去珠海澳門啦！

而本身9個人去，而家呢？就演變成18個人去，

真係變化好大，點解呢？因為本身唸住想一班朋友一齊柴娃娃去邊都無所謂，

但唸來唸去都未決定到，終於我今日捉咗佢哋出嚟相討兼去旅行社望吓，

跟住見到某間旅行社有個團好平好平，所以就問吓啦！

一問之下，問咗幾個幾抵嘅團，而其中一個就非常超值tim

三日兩夜去珠海澳門，不過就要係深圳來回，但係只需要$189，

嘩！有無咁平呀？住酒店都係番到啦！

我哋係度唸，我哋無非都只係想一班人一齊去玩吓，

所以呢個團都好啱wor，不過我哋緊係想望真小小，

睇吓會唔會有其它選擇啦！跟住又見到一個行程差不多，

但其中有晚係住溫泉酒店wor，而價錢只係$429，

仲要如果五位以上報名，就可以減多$50一位，即係話減咗就只係$379一個，

$379一個人仲要係去三日兩夜，唔去好似有ｄ對唔住自己囉，

所以就係咁就決定咗呢個珠海澳門溫泉之旅，跟住我哋就問吓個報團哥哥仔，

我哋大唔大機會成團o架？佢就話大約二十個人到就成團o架啦，

所以跟住我哋就問吓身邊有無ｄ朋友想去囉，

問吓問吓就演變咗成1 8個人去囉，不過我哋仲有機會再多ｄ人去tim，

因為有ｄ朋友話要第二人先覆到我哋，

所以如果大家有興趣的話，歡迎大家報名。

日期：係４月４日至４月６日

團號：KKK03《威尼斯人度假城、富都（飄雪）溫泉渡假村、美食３天團》

地點：珠海澳門（不過要係羅湖來回，可能我哋會係澳門自己走）

旅行社：關鍵旅遊

網址：www.kwankin.com.hk

2008復活節@北京之旅

啱啱決定咗同老爺奶奶復活節去北京玩幾日，

每年呢個時間我老公都會陪佢哋兩個老人家去旅行，

不過近呢兩三年亞仔大ｄ我同亞仔都同埋佢哋一齊去，

佢哋老人家唔鐘意去過個ｄ地方又再去，

所以一定要選擇一ｄ佢未去過嘅，

所以都幾頭痛，因為佢哋大部份東南亞都差不多去過晒，

如果連大陸個幾個大城市都去埋嘅話呢？睇怕我哋要儲多ｄ錢先得啦！

因為到時就要同佢哋飛出亞洲，其實我係好想飛遠ｄ，

不過一唸起要搭咁耐飛機真係有ｄ驚，因為我係一個好難瞓得著嘅人，

如果要搭長途機真係唔知點算，不過可能到時帶定ｄ日劇台劇都可以嘅，

其實北京都想去幾耐，不過每次想去旅行嘅時候，

唔知點解最終都係好大機會去咗泰國，所以都好，

如果唔係佢哋，都唔知幾時去到，

所以今次一定要影多ｄ靚相返嚟比你哋睇先得。

仔仔Birthday Party 08

仔仔今年因為已經讀小一，所以今年無同佢係麥當勞開生日會啦！

只係唸住細細地咁開個生日Party，

開頭同老公商量搵邊ｄ人嚟嘅時間真係幾頭痛，

因為唸住唔會好似以前咁成４０人，

今年只係搵ｄ已經有小朋友嘅Friend同埋比較熟嘅朋友一齊慶祝，

但係計吓計吓，原本咁都有成二十幾人，仲要未唸到去邊度慶祝wor，

所以當時我同老公講不如自己一家人同仔仔慶祝算啦！跟住好啦！

開始唸地方嘅時間，一時唸．．．不如去同佢去海洋公園玩 la，

然後又唸不如入黃金海岸住一晚 la，不過又係度唸，

但係如果無小朋友同佢慶祝又驚唔開心wor，

當然去到最後係咩都唸唔到o家啦，咁點算呀？

最後我ｄ朋友話點解你唔直接問吓個主角呢！係wor！

原來小朋友都係好簡單嘅，佢只係話最緊要有禮物，

其他唔太重要，所以到最後只係搵咗幾個佢又細玩到大嘅好朋友同表哥表弟，

一齊係自己屋企慶祝就已經ok啦！

近排亞仔好鐘意跟Daddy睇足球，所以佢選擇咗呢個蛋糕

小小嘅生日Party

當佢哋唱生日歌嘅時間，亞仔怕羞wor！

唔知佢許咗個咩願呢？

你睇佢哋幾開心！

就係我哋班人同亞仔慶祝啦！

雪妍好鐘意揹住ｄ細個佢嘅小朋友架！

呢兩個小朋友好搞笑架！

豆腐芝士蛋糕

因為上次Janet整咗個豆腐芝士蛋糕而又好好味嘅關係，

所以我又要試吓先，因為本人都幾鐘意食豆腐味嘅嘢，

而又咁啱我嘅老死Maggie生日，當然又有籍口又整啦！

今次一次過整多咗個份量，所以可以有兩個，

一個送比佢，一個自己食，

正！

呢個係我妝飾

另外呢個係我工人妝飾

豆腐芝士凍餅 (8 吋）

餅底材料:
消化餅 8塊  +  牛油溶液  52 g

豆腐芝士材料 :
1) 淡忌廉     300 g
2) 忌廉芝士  250 g  + 砂糖  100 g 
3) 水         120 g  + 魚膠粉   20 g
4) 豆腐花   400 g     

做 法 :
1. 將消化餅壓碎, 加入已溶的牛油混合,平均壓在蛋糕模內,
   放入雪櫃冷藏一會備用
2. 將少許砂糖加入淡忌廉內, 用打蛋器打起約6成備用.
3. 魚膠粉加水拌勻, 用熱水座溶備用.
4. 將忌廉芝士加糖打至滑身.再將豆腐花分多次逐少加入忌廉芝士中   拌勻. 然後　將淡忌廉　拌入芝士糊內拌勻.
5. 最後將將魚膠水加入芝士糊內快手拌勻, 然後倒入餅模的餅底上.   放入雪櫃冷　藏3-4小　時即成.

泰好玩泰國＠購物篇

雖然係泰國嘅時候成日都同老公講無咩嘢買到，

誰不知打開個喼原來係唔少囉！

所以我覺得自己真係有一種狂購物症，

好彩今次去泰國覺得ｄ嘢貴咗小小，所以唔係係咩都買，

先至好ｄ渣，不如比大家睇吓我買咗ｄ咩，

等你哋睇吓覺得我係唔係真係有病呀？

不過有ｄ係幫朋友買嘅！

 

 

  

大家見唔見下面到有個紫色好似訂書機嘅物體，你哋估吓係咩呢？

原來都買咗好多衫，全部係自己！

 

 

好平呀！嗰兩對波鞋大約８０蚊港幣一對！

 

 

個ｄ洗頭水，只係唔夠１０蚊港幣一支渣！

 

 

 

 

泰有型ｄFans話呢隻洗面膏好好好好用Wor，所以又買囉！

 

好好味嘅乳酪飲品，老公嘅！

 

 

當然要有我心愛嘅零食啦！（heh..heh，又有公仔麵呀！）

 

泰好玩泰國＠玩玩篇

講到每次去泰國都係買買買，所以唸住搵一日去河邊睇吓ｄ寺廟啦！

跟住又想去吓State Tower睇吓夜景啦！又有可能落ｄ吧飲吓嘢啦！

不過最終只係去咗河邊搭咗ｄ一次Local 船同去咗一間寺廟，其餘呢？

有ｄ去唔到，又有ｄ無去度，其實第二日都係有ｄ黑黑地架啦！

先講吓我哋朝早四個做完Spa同按摩之後，就出發去一間專係食魚翅撈飯嘅餐廳，

點知去度執咗，因為大家都好肚餓嘅關係，

所以我地二話不說就跳上架的士去河邊食姐鵝，

因為食完就可以去河邊搭船，唔使行得太遠，的士去到姐鵝嘅時候，

都已經成兩三點 la，跟住又唔知係唔係因為成兩三點嘅關係，

個度係水靜河飛，攪到我哋無咩心情食，又係度唸，究竟呢間嘢有無人食架？

點解無人嘅，但係點都好都要入去食架，跟住我哋就開始點菜，

ｄ菜好似無咩特別咁wor，而價錢又唔係特別平wor，

咁點呢？唯有點ｄBasic D嘅餸啦！點知真係鋪不可貌相，

ｄ嘢食好好味，好好味！原來係值得架！下次一定要再試先得，

好啦！我哋又開始我哋嘅旅程 la，唸住佢間餐廳係河邊應該唔會去碼頭太遠掛，

點知比個度ｄ當地人點到我傻傻哋，一陣又話去東，一陣又話去西，

再一陣又話去南，攪到我行咗本身要行三個字嘅時間，

點知就咗九個字囉！好啦！去到碼頭，再跟住去到寺廟呢？

我老公唔知係唔係第一日因為食咗六餐嘅關係，

佢開始有ｄ胃痛，而我另外一個朋友呢？佢又有小小傷風，

所以食咗藥而又有ｄ眼瞓，所以只有去咗一個寺就走啦！

因為我唔想佢哋太辛苦，夜晚呢？我哋去食建興酒樓，

因為唔想再搵啦！因為覺得今日行夠啦！所以我哋又去揮揮手，

唔搭BTS，點知遇著個衰人司機，佢車咗哋去第二度呀！

佢唸住我哋唔識呀！係咁叫我哋落車，但我哋睇來睇去都唔係好對路囉！

所以我哋無落車，叫佢帶番我哋要去個度，佢緊係無咁順攤啦！

佢只係係一個大型商場掉底我哋就算啦！不過我哋今次有落車，

費事佢又再車我哋唔知去邊度，其實我成日聽人講話ｄ泰國司機會咁做，

我自己去咁多次都未親身經歷過，好啦！跟住我哋行行行，

原來又係會行好遠，都無計，鬼叫你想食咩！行到咁上吓，又問吓人囉！

今次好彩ｄ，個對男女好好人，直頭帶埋我哋去到建興門口，

都總算個貴人啦！呢餐呢？係我覺得係泰國最好味嘅一餐，

佢ｄ咖哩蟹同黑胡椒粒蝦，真係超正，我仲唸住叫我個工人試吓整個蝦tim，

食完呢餐就搭車去State Tower，其實我係兩年前我生日，

老公係個度請我食咗餐飯架！嗰度ｄ環境真係好浪漫，

對住成個曼谷成飯，不過如果你唔想食飯，只係想飲嘢！都可以有另外一個地方飲，

同埋去呢個地方係要有dress code，男仔只可以著有袖衫、長褲同埋密頭鞋，

而女呢？就簡單ｄ，背心短衫短裙涼鞋都可以，只要唔係拖鞋，

好啦！我哋緊係做晒準備功夫，有晒dress code，但係點知都係入唔到去，

點解？原來仲有其他限制o家，運動褲係唔可以當長褲，唔入得，

瀨有型嘅有窿牛仔褲亦都唔得，我其中有個朋友呢？就著咗運動褲，

而我老公呢就緊係著咗條瀨有型而又有個窿嘅牛仔褲啦，所以無得入囉！

跟住嬲嬲地返酒店飲紅酒！

 

 

吓，點解有亞包個頭出現嘅？

去咁多次泰國，第一次搭地鐵，

因為飲咗小小酒，有小小醉意

 

 

泰好玩泰國＠舒服篇

講到去泰國緊係離唔開按摩同做Spa啦！今次我去呢！

就做咗一次Spa同三次腳底按摩，而我老公呢！

就做咗一次泰式按摩同四次腳底按摩，

我老公呀！好鬼煩架，成日都話要做腳底，

你知啦！泰國通街都係按摩o架麻！佢一見到就話要做wor，

其實我都鐘意按摩嘅，所以去做都無所謂，

但係佢就一日起碼講四五次話要囉！佢簡直就中咗腳底按摩毒，

可能個ｄ泰國女仔呢！

係我老公某個腳底穴位度按咗個”我要做腳底按摩！”嘅穴道囉，

所以佢成日都要話做囉！

 

第二日嘅Hapaspa SPA，好得意o家，佢嘅外內面比較新潮ｄ，

係外面好似有一個鐵箱Join住ｄ人咁，

佢同我以前去個ｄ個感覺唔同，我以前個ｄ比較古典ｄ味重ｄ，

不過都有另一番新感覺嘅，

我做咗個Full Slimming & Detoxify Program (3.20 hrs)，好抵只係$500港幣，

仲要好似真係做完瘦咗小小，哈哈！

http://www.hapaspa.com/

房裏面嘅環境

浸咗成半個鐘，真係皮都甩埋，

做完即刻容光煥發

第三日嘅腳底按摩，呢間就係好多香港人去嘅

Body Tung Massage

第四日最後都死唔鉵抵去做多次腳底，

呢間係BIG C留下個間 Massage，

個度ｄ帥傅手勢都真係幾唔錯架！

第一日嘅腳底按摩