去到第六日啦！今次真係唔捨得啦！因為聽日真係要走啦！
如果唔係就比人炒魷魚啦！不過雖然係好唔捨得，
但亦都好開心，因為今日係我哋嘅擺酒8周年呀！
老公話要一早起身去呢個藍洞浮潛順便慶祝埋wor，
講笑啫，如果真係咁我又點會放過佢呢！其實係世界上藍洞好似只有兩個，
而其中一個就係喺沖繩啦！因為曾氐細仔唔夠年齡嘅關係，
所以唔可以去浮潛，所以我哋兩家人要前後腳去，唔可以一齊去，
事關因為要輪流睇住細佬呀麻，跟住我哋個家人就7點幾就出發啦！
呢間係我哋Join嗰間tour，都幾好架！ｄcoach係識講英文嘅！
我哋租咗部水中相機，只係2000 yen有24張相，
個coach會不停同我哋影相，又唔使自己影，幾好
個藍洞上面ｄ水就係咁嘅藍色啦！
影番張見到個樣先
又再同ｄ魚影吓先，雖然佢無布吉咁多魚，
但ｄ海水就比起布吉再清ｄ
浮潛完 lu
跟住我哋開始湊曾氐細仔，開頭佢都唔肯跟我哋係咁喊，
但喊吓喊吓就瞓著咗 lu，真好彩，因為見到佢係咁喊真係好心酸架，
跟住我哋條路係咁兜係咁兜，兜到佢Daddu Mammy去完，
跟住比我見到呢個58公路嘅牌，正．．．！
因為呢條58公路係喺沖繩島最出名嘅公路，
佢成條公路係沿住個海邊起架，
呢幾日睇海天一色同睇日落都係因為呢條公路Jar！
有無咁藍呀個天？
跟住我哋去咗一條叫海中道路嘅橋，佢係連接住一個島仔，
因為我哋呢幾日都無去過ｄ島仔，所以係咁以都去兜個round啦！
然後我哋係海中道路睇吓風景，影吓相
因為我其實去沖繩之前都攞咗個國際車牌，
所以點都要揸吓先，而呢一轉由海中道路去那霸市係由我揸嘅
亞仔幫我計過我總共楂咗33公里，
嘩．．．我有車牌差不多十年啦！今次楂得最長途啦！
跟住去食Dinner lu，今日終於去到牧志市場啦！
入到個街市．．嘩！ｄ海鮮好正呀！
呢ｄ叫夜光貝，好似ｄ珍珠咁好靚！
ｄ大眼雞魚比起香港個ｄ都特別靚ｄ
亞仔仲捉住隻生猛龍蝦影相 tim
我哋係街市下面揀完ｄ海鮮就拎上去熟食市場整嚟食，
我哋總共叫咗一隻琵琶龍蝦，一隻普通龍蝦，兩隻大蝦，
一隻夜光貝，一盒海膽，一盒拖羅，一盒三文魚，
我哋個龍蝦頭就要嚟煲湯，而夜光貝就分一半炒，大蝦就燒，
其餘就全部魚生，跟住再叫咗ｄ飯同麵，咁就一餐正嘢啦！
燒大蝦，不過我覺得呢個一般
個龍蝦頭煲面豉湯，都OK，不過都係ｄ生嘢最好味！
最後我哋去咗outlet mall行，不過去到成8點，
因為個度收9點，所以只有一個鐘行jar，
得一個鐘當然唔夠啦！所以我哋決定明天再戰
原本日本都可以放煙花wor，所以返酒店前比ｄ小朋友玩吓先
第六日完~~
